[منقاش]

رد: من أرشيف أبو نقشه ... رد: من أرشيف أبو نقشه ... رد: من أرشيف أبو نقشه ... رد: من أرشيف أبو نقشه ... رد: من أرشيف أبو نقشه ...

أخس يالمخاوي الخاسي , أخس لهالدرجه تخاف من المره , وتدخل المدام الرعب في قلبك حتى في لذيذ المنام ؟؟ .
أخجل على نفسك وأذا بتليتم فاستتروا , وعلى ألأقل أحترم أسم أبو نقشه اللي أدخلته جنب أسمك حتى سار لك قيمه عند الرجال .
أستح وشوف قصيدة الرجال اللي تعلن بطلب الثالثه اللي يجي من بعدها الرابعه , وتعلن أنها أحدى الحسنيين أو واحده من ثنتين , أما التعدديه الزوجيه والا الشهاده .
ويكون في علمك , هذي التعدديه اللي في ألأعلان من غير ألأماء وما ملكت اليمين وما مسكت اليسار :
وهالحين خلك مع قصيدة حليفي فحل الشعراء خلف بن عبدالعزيز اللي يقول فيها :

يعلن خلف عبدالعزيز الثمالي
عن رغبته في الثّالثه ياجماعه
ف اللي يجد منكم عريبة خوالي
واعمامها من بيت عِرف وشجاعه
يجمع براسي راسها بالحلالي
واعطيه مبلغ زين واهديه ساعه
واللي تجد في نفسها الإحتمالي
والصّدق شيمتها على حسن طاعه
ترفع لنا أوراقها باكتمالي
ونشوفها شرع(ن) ونقرا الطّباعه
وليا فحصنا والنّتيجه عدالي
والمهر جايز في الحقيقه ابتلاعه
قولوا اتّفقنا وحلّ سلم الرّيالي
هاذا كلام الصّدق ماهي اللّكاعه
لكن انا لي شرط مدري سؤالي
اما اقبلوه والا نقول الوداعه
شبكه وربكه في نصيف الليالي
ماعند اخوكم شي من ذي الدّلاعه
والا ادفس القاصي وخُص الموالي
وهاذي نبيها فوق هاذي قُباعه
لا والله الا اشرد بعمري ومالي
راحت رحامتكم طماعه بطماعه
ما انتم عواني اللي كريم السّبالي
عانيكم الشّبعان راعي الدّباعه
والا مدلّع مايصب الدّلالي
يشرب عصير ولابس(ن) له خلاعه
ياخذ بها مابين أول وتالي
شهرين وتشوفه مطوِّي شراعه
إعلان واضح واسمعوا يالرّجالي
والغير ماهم الثمالي استماعه