[النجم الساهر]

السلام عليكم ورحمة الله وبركاته

يبدو اني في عزلة عما يدور ويتطاير هذه الايام ولربما اني مغيب عما يجب ان اعلم به

على كل حال لازلنا في نفس المسار حتى لو اقتربنا من النهايه

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]سلام للي خصهم ربي بجوده ثم جاد=سلام للي مجلسه دايم على جود وطيب
سلام للي فاد من مجناك في وقت الحصاد=سلام للي منحرم منها ولو كانت قريب
سلام للي من كرم ربي مع الناس استفاد=جاته على وضح النقا لو كان مقطوع النصيب
اقولها للصاحب اللي لاعطى وفى وزاد=ولا توارى عن طلب ربعه وقال امر صعيب
عهدي بها ياصاحبي وقت تعدى بالبراد=واليوم وقت الحر والعالم تحرى وش تجيب
عندي امل دام الزمن لازال في وقت الهداد=اني اشوف انتاجها من فبل يأتيني المشيب
السالفه عند الشيوخ اللي مشالحهم جداد=عند الرجال اللي لهم صوله وجولة ماتغيب
مره يجيبوت التمر يمشون به في كل واد=ومره يجيبون العسل و الزيت والخاطر يطيب
الا انت ياللي ماكسبت الجوله الاولى عناد=خلك كذا يمكن يعوضك الله وتلقى مجيب
لا والله الا راح عزمك دون تحقيق المراد=كل ماتحاول ترجع الكره ولا تكسب تخيب
لا لاح براق الحيا في بيد والا في حماد=كل على برقه سرى والما على جال الشعيب
وختامها صلو عليه وسلمو في كل ناد=ماغرد القمري وناح الورق بالغصن الرطيب [/POEM]

تفبل تحيات اخيك النجم الساهر