[النادر]

الطيب .............. الطيب .............. الطيب .............. الطيب .............. الطيب ..............

بدون مقدمات وعذرا على الانقطاع


[poem="font="Courier New,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياناشد ٍ عن منقع الطيب وان كان=تنشد عن دياره وموقع فحوله
اخذ الصحيح اللي مثبت ببرهان=عرف الحكيم اللى مجود دلوله
الطيب قصرٍ فيه للناس بيبان=عسر ٍ على راعي الخباشه دخوله
ناسٍ تدوور له كروكي وعنوان=وناسٍ تنشد ويش عرضه بطوله
الطيب قصرٍ بارزٍ شوف الاعيان=ماياصله ياكود راعي بطولة
ماياصله ياكود خطو البليهان=اللي تربى في مدارس رجوله
اللي يشوم عن التفاهات ويبان=وتبعد فعوله عن فعال الثعوله
اللي يمد الطيب ويكف الايمان=ماتاخذ يمينه مثامن فضوله
واللي يسوق الجاه في خدمة انسان=ضاقت عليه من الليالي سموله
واللي يعرف الحق ويحج من خان=حتى يبان فلمع عينه خموله
اللي على تكفى شفوق وعطشان=ويدفع عليها للمصوت عموله
بين القبايل للثناء دوم نيشان=ماهو من آل فلان والا حموله
اللي يدور كسبت الطيب بامعان=ماهو من عروق النسب والخؤوله
واليا حصل مع كسبت الطيب مزبان=ساسٍ عريب فذاك حاز الفضوله
واللي قصر في وادي الطيش خسران=يلعنه كل اللي دروا عن فعوله

[/poem]