[مراسل ثقيف]

المشاركة الأصلية كتبت بواسطة منقاش

أنا وانا أبو نقشه , عام 86هجريه نجحت من سادسه وأعلنوا أسمي في الرادي حسب ما بشرني به اللي سمعوه ولهم عيال ناجحين معي في نفس المرحله , ألا أنا ما سمعته لأن ما عندي رادي..
طبعا سادستنا غير سادستكم وأساتذتنا غير أساتذتكم وأهلنا غير أهلكم ..
سادستنا ممكن تلقى بشهادتها وظيفه محترمه في زمانها لو بحثت وبغيت توظف بها , ويعتبرونها شهاده معتبره ..
وأساتذتنا كان أغلبهم أرهابيين , كرهونا في العلم وزهدونا في التحصيل , وأصبحنا بسبب أساليبهم ندرس من أجل ألأختبار والشهاده والوظيفه ماهو من أجل العلم , ونضيع كل اللي تعلمناه في ألأجازه ولا نتحسف عليه , وأغلب اللي توظفوا منا فيما بعد أصبحوا ما ينتجون في وظايفهم ألا بالرقابه والعقوبات ألأداريه ,ألا اللي يخافون الله فمثل هالنوعيه أنعم وأكرم بها لأنها نوعيه صالحه في كل زمان ومكان.
وقتل فينا مدرسين هاك الأزمان روح ألأبداع وركزوا فينا روح التلقي والتلقين والخوف , طبعا ما أزكي أغلب مدرسين هالأيام , لأن الرواسب الثقافيه المتوارثه لا زالت موجوده عندهم ....
وأهلنا غير أهلكم لأن ألأب كان يجيب ولده للمدرسه وينادي بصوت يعلى على جميع ألأصوات يهدر فيه دم ولده ويقول , أسمعوا يا من حضر , لكم اللحم ولنا العظم , وخذ بالك يا أستاذ , ترى ما يقرا ألا راغب والا راهب...
بالنسبه لي كانت أيام كئيبه ولا هي جميله (أقصد أيام المدرسه ) بالرغم أني من المتفوقين , وكانت سعادة ألأجازه سعاده ما يوازيها سعاده , ولا يكدر بالي فيها ألآ أذا تذكرت أن ألأجازه تبي تنتهي أن عاجلا أو آجلا وبعدها أعود للمدرسه ..
طبعا فيه نشر للأسماء في الجريده الرسميه اللي أظنها يومها جريدة الندوه , لكن وين نحنا ووين الجرايد , نحنا في البوادي والجرايد بعيده عنا في المدن ...

حياك الله أخي أبو نقشة في هذه الذكريات التي لا زالت عالقة في أذهاننا
بس أنته متأكد من إذاعة إسمك في الرادي في ذاك الزمان او أخشى أن المدرسة كاملة
لم ينجح أحد مثل ماقال أخينا أبو عبدالرحمن، فعلا كنت أسمع هذه العبارة
في بعض الأحيان، متعك الله بالصحة والعافية أخينا أبو نقشة فعلا أنته فاكهة
المنتدى ولا يهون مخاويك اللي ماذكر حتى الآن إنه أذيع إسمه في الرادي أو
يمكن إنه معيد سادسة وما كمّل تعليمه،،