[منقاش]

المخاوي البطل : ألأوله , أنا ما أشتري الجرايد ولا أستمع لأي قنوات تلفزيونيه ألا لقنوات النخبه من أمثالي مثل الجزيره والببسي والميرنده والسي أن أن , ولا دريت عن هواش المتهاوشين لا على موضوع السيارات وسواقة النسوان , ولا على طرف علوم طبيب النفس القحطاني ألا بعد أنفضت الهوشه , هذي ألأوله..
والثانيه , تسعلني ويش رايي , وشر ألأسعله ما يضحك ؟..
والجواب : الرجل (طارق) يحتاج لواحد يدرس نفسيته , ويفكك الشربكه اللي متشربكه داخلها , وكما يقولون , باب النجار تلقاه مخلوع , ولو دخلوه عليه في عيادة ابو نقشه النفسيه كان نومته مغنطيسيا وسعلته وقلت :
ألأوله أنت يا صبي قحطان ليش مقصي أسم ربعك من أسمك ؟, ومن وين جبت ال التعريف اللي لبخت بها قدام الحبيب ؟, والله عجيب.
وبعد يجاوب , أن لقيت بطاقة أحواله وشهاداته فيها القحطاني وهو باتر القحطنه من أسمه , فهذي وقتها أول مشكله نفسيه تحتاج لدراسه مركزه لعقد النقص اللي أوجبته يشيل من شهرته أسم ربعه قحطان , ربعه اللي يتشرف القاصي والداني بهم ويعتبرهم من وجيه وسادة العرب من أيام الجاهليه حتى اليوم .
ويحتاج أثناء التنويم المغناطيسي لشوية بحبشه يمنه ويسره حتى نعرف من بواطن عقله الباطن , من اللي أضطهده حتى ولد عنده هالعقده حتى نفككها من بدايتها؟؟ , ونشيل الورم الجنوبي اللي ربما سبب له بعض الحويس والدويس أثاء حديثه عن أهل الجنوب , وبعدها نحطه في رعية غنم ثلثها ماعز والبقيه ضاينه يرعاها من الصبح حتى يمسي في شعاف جبال المنطقه الجنوبيه لمدة شهر حتى تختفي من عنده كل آثار ورم الجنوب سند روم . .
والثالثه , منقاش الثمالي الطايفي الحجازي وطنه كبير كبير , وأكبر بكثير من اللي في راسك وراس القحطاني وراس كل بني العرب من قحطان وعدنان..
أنا وطني أمتداده لكل مكان رفع فيه الأذان في مشارق ألأرض ومغاربها , هو وطني وأهله أخواني , وحتى الكره ألأرضيه أعتبرها كلها وطني وأهلها بما فيهم الكفارأخواني في ألأنسانيه بما فيهم يهود الشمال اللي أنت واحد منهم , وحتى المسلمين من الجن هم أخواني حتى لو كانوا من جن الشمال ..
الرابعه , أما تعاطفك مع القحطاني وقبولك لعذره بهالسرعه , فهذا طبيعي في هالمرحله النفسيه اللي تمر بها , وهذا هو المتوقع عند أي واحد درس وتعمق في علم النفس مثل ابو نقشه , لأن ردة فعلك هذي لها أسباب خفيه ناتجه من عقده نفسيه حديثه لكنها دفينه ولا تظهر عليك أعراضها أو تكتشف ألا من خلال أنعكاسات بعض سلوكياتك والأسقاطات السيكلوجيه الصبيانيه اللي تقع فيها أحيانا .
وحتى أضع لك النقاط على الحروف وتفهم اللي أعنيه بكلامي , أذكرك وأذكر القراء بفضيحتك قبل أسابيع يوم تورطت في كلامك عن الصحابه رضي الله عنهم , واللي مع حسن حظك أننا كسبنا أجرك ولا كتبت توبتك ألا على يدي ويد الغيورين في هالمنتدى الطاهر .
وعقدة الذنب هذي ورواسبها النفسيه هي اللي خلتك تطلع علينا هالطلعه في دفاعك عن القحطاني اللي تطاول عليك وعلى ربعك , لكنك بسبب العقده النفسيه اللي مترسبه عندك تبينت على حقيقتك للأسف , وطلعت ما فيك خير يوم ما دافعت عن ربعك وعن مسقط راسك .
ولعلمك , تراني بغيت طردتك من المنتدى بعد جريمتك اللي سببت لك هالعقده , واللي شوفك بسببها سرت من دعاة قبول ألأعتذارات للقحطاني والقذافي , بغيت طردتك حتى تبرا الذمه منك ومن مصايبك , ولا شفع لك من الطرده ألا رشاويك لبعض المشرفين مع ألأسف .
لكننا مع كل اللي جاء منك نظل في النهايه أهل حلم مثل بقية أهل الطايف المشهورين بالحلم , ونقبل توبتك وناخذك بظاهرك وعلى قد عقلك , ونتجنب البحث في سريرتك والخلل العقدي والنفسي اللي مترسب عندك وعند بقية أخوانك .
اللهم أغفر لي ولكل أخواني بما فيهم أخونا الدكتور القحطاني والمخاوي ....