[سنا الهجرة]

مقال يقطع نياط القلب
والله انه مقال يدمع العين ويثير الشفقة التي تغلفت بزيف الحضارة المادية داخل قلب غفل كثيراً عن شكر النعم
فـ اللهم لك الحمد ولك الشكر

الله يجزاك خير يابو خولة ويا ليتك أتيت بهذا المقال قبل كم من شهر بس كا خليت ولدي يقراه

طبعا ولدي الله يصلحه ويصلح عيال المسليم له قصه معي حدثت قبل كم من شهر وهي انه >>

في يوم من الايام وبالصدفة وانا في مواقف العمل وجدت أحد الزملاء واقف مع زميل آخر على شان يبي يبيع سيارة قديمة له .. بعد ما استبدلها بسيارة جديدة طبعا

المهم أنا حضرت متأخر بعد ما اتفقوا على القيمة وشفت الموتر ما عليه يمشي صاحب الحاجه >> عاد أنا بعد ما فكرت في ولدي وهو بدون سيارة بعد ما لعب في حسبة السيارة التي كنت قد أعطيته أياه من أول

قلت خليني آخذ هذي له يقضي بها لزومه لحد ما الله يرزقه بوضيفة والا على الاقل يكمل دراسته
وفعلا أعطيت المشتري مكسب بسيط ووافق على الفور

أخذت السيارة وجبتها للولد .. وأول ما شافها قال >> والله ما أركبها لو مدري وش صار - مع انها ما فيها خلاف ووش حلاتها -

ويوم اني شفت انه معزم على انه ما يركبها قلت أجل الله لا يهينك خذها للحراج وبيعها وبعد كذا اركب رجولك الله لا يهينك .. وفعلا ما كذب خبر وأخذها للحراج وباعها .. والحين قاعد يدور على سياره مدري وشلون يبيها

الله لا يغير علينا هـ النعم ويرزقنا شكر واهبها