[حسن عابد]

[POEM="type=1 font="bold x-large 'DecoType Naskh', Arial, Helvetica, sans-serif""]جريت صوتي وقلت العون ياربي =بيديك سر النفوس وما ينازعها
يامنزل الغيث ومحرك هوى الغربي = العين والشوق ماكلت مضاجعها
خواطري صدق تمسي بي وتصبح بي =كني لحالي تصارعني واصارعها
مرات تصدق معي ومرات تلعب بي =يعني تخطط على قلبي مزارعها
فرت شعوري مثل مافر في كتبي=وحبالها شربكتني في مراجعها
ياليل ياليل ياليل الفكر سر بي =بقدرة الله على وضحى وروابعها
حتى تهنا على زادي وفي شربي=وابدي مبادي النجوم ومن مطالعها
وارتاح من ماجرى وارتاح في حبي =وانسى ليالي السهر وانسى توابعها
انا ادري ان الخواطر مالها طبي=والناس من بعضها تاخذ منافعها
ومؤمن بربِ رحيم وعالم الغيبي =قادر يخفف على العالم مواجعها
وياما حناجر تقول العون ياربي =بيديك سر النفوس وماينازعها[/POEM]