[سنا الهجرة]

المشاركة الأصلية كتبت بواسطة الذيب

بسم الله الرحمن الرحيم

السلام عليكم .......

ها انا اتيت ثانياً وكنت اتمنى ان اكون الاول ولكن كما توقعت ان هناك رجل من شهداء الله في ارضه اسمه رداد وفي الحقيقه لم يكن توقع انه سيسبقني بل كنت اكاد ان اقسم بذلك .
لأنني اعرف منزلة ابو محمد رحمه الله في قلبه خاصه وفي قلوبنا جميعاً .
و كان يسعدني ان نتسابق انا و هو في ذكر محاسن ذلك الرجل العظيم رحمه الله
ولم يحدث هذا الا لأنه رجل يستحق ذلك فالعاطفة في الرثاء دائماً خالصه ......
وقد سئلت عن اسباب غيابي عن الساحه فطرق السؤال على (الوتر الحساس)

لله ما أعطى ولله ما أخذ

رحمك الله يا أبا محمد

رح له على رجم المفارق و بلواه=و أنته على رجم المفارق مثيله

عزّاه يا رداد للدمع عزّاه=عزّاه لو ماهو يسيّل مسيله
ما يلحق دموع الرجاجيل عيباه=لا طاحت لطيّب عزم في رحيله
الموت لو ياخذ هل الخير والجاه=ما ياخذ الذكر الحسن والجميله
الموت ليت الموت للناس مصفاه=ياخذ هل العيبه وكفٍ بخيله
ما اضيق الدنيا و ما اكبر الآه=ما عاد للدنيا على الآه حيله
ابو محمد راح في رحمة الله=والله يعظم أجركم يالقبيله
من مثله اللي لا لفى زان ملفاه=كن القمر شق السما وسط ليله
و الدين لا تسأل وفالوجه سيماه=سجده تدلّك عالخصال النبيله
العلم و الفزعه و طيبه و مبداه=دايم على البيضا يشمّر شليله
ذكراه مزنه بين الاضلاع ذكراه=و قلوبنا بالحب مثل النجيله
يا بخله الشاعر على القاف بخلاه=إن ما كتب للذاكره من غليله
مرحوم يا شيخٍ قد الشيخ رباه=ما يزهر اليشموم من حنظليله
مرحوم ياللي شيّد العز مبناه=يالفذ يا فارق عن عيال جيله
تبكيك مكه يومها تصرخ افواه=و معكافك بذاك الحرم من يجي له؟
ياللي تقدمت و لنا صار ويلاه=دونك تأخرنا ولابه حصيله
غير السهر و الشوق للقلب يلحاه=و جوع العيون ومالها من وسيله
فالليله اللي حدّت القلب لأقصاه=ليله بها كل المشاعر عليله
يالشاعر اللي شاعرٍ قام ناداه=أعلن حدادك بالشعر يا وكيله
خل العرب تلهج إلى الله مولاه=تدعي له برحماه ذنبه يزيله
جعل السحاب اللي تنشى بمنشاه=يسقي ترابه وين ماهو مخيله

ويارب تجعل جنة الخلد مثواه=و يا جعلني يوم العداوه خليله

رحمك الله يا أبا محمد

رحمك الله يا أبا محمد رحمةً واسعة وأسكنه فسيح جناته

وصح لسانك يالذيب

مبدع في جميع الاغراض

لا خلا ولا عدم يالشهم