عــــــــــبــــــــــدالله
سلام الله عليكم عد مايبـدي الـورق فالعـود
نبا منك السوالـف وانـت يامستـور هذبهـا
علامك يالعصيمي تختلف فالوعد والموعـود
وانا خابرك وراك رجال تفتل في شواربهـا
مــــــســــــتـــــــور
هلا يامرحبا حييت ياشاعـر بنـي مسعـود
تدور للسوالـف مـن عتيبـي يجيـك ابهـا
نهار انا تواعدنا على وضح النقـا المجـرود
بهيبتنا كسرنـا القـوم قبـل انـا نحاربهـا
الــــمــــســـــعـــــودي
بغيتـوا يـوم جيتـوا مالقيتـوا المقـصـود
ومنهو ذل له من علـة مامـات غيـر ابهـا
نهارك صادفه رمضا واصابتكالليال السـود
وحنا خابريـن اسـود سمحـه مـن ثعالبهـا
مــــــســــــتـــــــور
ياعبدالله لابد العلم يطلـع فيـه نقـص وزود
وانا اصحح علوم الصـدق والكذبـه نكذبهـا
تدورنـا وتعزمنـا لضيفـه بابهـا مـردود
تهاون بالعزيمه مانـت داري عـن عواقبهـا
الــــمــــســـــعـــــودي
تبا تزبن على الحيد الزبين وتبـذل المجهـود
سواة الغاوي اللي مخلـف الساقـه وعاقبهـا
لكنك حج واحرم والفريضـه بابهـا مريـود
ليا صح البن باقي المراجـل مـن مكاسبهـا
مــــــســــــتـــــــور
ليامنك جحدت اللي حصل عندي عليك شهـود
شهود تشهـد انـك سبهـا وانـك سبايبهـا
لقيت إيدامهـا قدامهـا فـي سبلـك الممـدود
وبعض الناس وشهو عذرها في ترك واجبهـا
الــــمــــســـــعـــــودي
تلحقها بعد راحـت عليـك وفاتـك العنقـود
تلـد بعيـن والا عيـن ماتقـدر تلـد ابهـا
تهز البندق اللي تاكل الصفره مـع العبـرود
ولو يرمي بها الرمـاي ضايعـةٍ مضاربهـا
مــــــســــــتـــــــور
اظنك ماسمعت اللي ينـادي والعبـاد رقـود
عديم المعرفه يدعي على الصنعه وصاحبهـا
بعد حاشتني الطرقه وجيت انشد عن اهل الجود
واثرهـا مقبـره لقبورهـا تشهـد نصايبهـا
مـــــــســـــــتـــــــور
0000000
هجرس ضميري ومن هجرس ببعض علوم غنابها
ياذيب ياللي تجر عواك عنا فالخفا ما انـت ذيـب
من جوع والا طبيعه فيك ياسرحـان تضرابهـا
الـــــمـــــســـــعـــــودي
حس المنادي ينادي والمجـاوب للمنـادي يجيـب
واللي يجيب العلـوم يجيبهـا وان جابهـا جابهـا
ياسامع الصوت كيف بتسمعه لولاه منكـم قريـب
الموت في روحك اقرب من عصاك اللي تعصابها
مـــــــســـــــتـــــــور
بعض الغرايب من الاغراب لكن مانلوم الغريـب
والحجـه الصادقـه مفهـوم قاريهـا وكتابـهـا
بنت الهوى باللبوس الزاهية تزهى عيون الخطيب
واللـي يشقـق ثيابـه لولاهـا شقـق ثيابـهـا
الـــــمـــــســـــعـــــودي
محد درى عن ذكاة ام القرين اللي عليها عصيـب
لين انها هي بيدها تحضـر السكيـن ونصابهـا
دور حليب البقر مافالحجر ياللـي تـدور حليـب
والخلفه ام الحليب ديوسهـا فـي يديـن حلابهـا
مـــــــســـــــتـــــــور
واللي يسوق الجمل فوق الجبل مافيه شك وريـب
تبـا تطيـح الذلـول بذلهـا ويطيـح ركابـهـا
مافالحجر غير هم وصب دم وكحل عين الحبيـب
والحيه اللي تحت رجلـي يعـض لسانهـا نابهـا
الـــــمـــــســـــعـــــودي
يافاهـم العلـم خلـك للمعانـي والمثايـل لبيـب
واللي قبل حصته برضـاه يامستـور يرضابهـا
الضحك في مجلس مافيه مايدعي ليا الضحك عيب
بثبوت واللي يجي لبيـوت ياتهيـا مـع ابوابهـا
الــــمــــســــعـــــودي
هـلا يامرحبـا ترحيبـه مادونهـا حـادي
عدد من راح من مكه عدد * وعداد من جاها
اعلم فالعرب وعيونها تنحـى بهـا الـوادي
واحط الكحل في عين الولد * والكحل يملاها
الـــعـــصـــيــــمــــي
يدوم لك البقا ياهونها فـي بـدع الانشـادي
ولا ياليل ياليل السعـد * والحـظ يبراهـا
علـوم مبطيـه مادونهـا والله لكـم هـادي
وغيركم فالمثايل من نشد * ويجيب حلياهـا
الــــمــــســــعـــــودي
ليـا حسبتهـا ياهونهـا ماعنـك نشـادي
وانا ما ابني بيوت بلا عمد * ويشين مبناها
حلاياها ولونك لونها والعلـم مـن غـادي
ويابن واس خربت البلد * دبرتك ما ارضاها
الـــعـــصـــيــــمــــي
اباليـس تهـز قرونهـا يحدالهـا الحـادي
وحجة مالها عندك سند * لجل ايش تقراهـا
الـــمـــســـعـــودي
هاضني ليلة الجمعه سنـة تسعيـن
غير تسعه على تاريخنا الهجـري
المعلم تعب بيـن الحجـر والطيـن
والافندي عن الاحـوال مايـدري
مــــســـــتـــــور
لو قرينا على صـم الجبـال تليـن
سورة الراجفه والشفـع والوتـري
لو بدالـي حقيقـة قلتهـا ذلحيـن
بدري الليل ياهل الملعبـه بـدري
الـــمـــســـعـــودي
صارت الحبحبه حمرا على السكين
مابقي غير طش القشـر والبـذري
المهندس يعـرف العلـم يامسكيـن
حط لك في شعيب منى مية كبـري
الــعــصـــيـــمـــي
امتلا اللخرج منها وامتلا الجيبيـن
يوم حظك دعالـك ليلـة القـدري
وش جرالك وجالك وين ساري وين
مر سكر ومر العن من الصبـري
الـــمـــســـعـــودي
كل شي يبين وما اكلـت ام قريـن
لازم انـه طلـع فجنوبهـا نبـري
انت طالب وراسب عام في درسين
لو تعـد لـك الاقـلام والحبـري
الــعــصـــيـــمـــي
لقمة ابليس تعلجها علـى اللحييـن
والحوادث تصوب والـدوا يبـري
هرجةٍ مادرا عنهاحسـن وحسيـن
عوذ ابليـس علمنـا بكـم تكـري
الـــمـــســـعـــودي
ياذهب بعد ماامتدت عليـك يديـن
احد يبتاع واحـد ياذهـب يشـري
البلح والملح فالصاع ابو صاعيـن
وت تدور تمد يديك فـي شمـري
الــعــصـــيـــمـــي
كل ديره لهـا نـاس تسـد الديـن
من بعيد الرموس يجيبهـا فكـري
وش حداك على القشرا حداك البين
والا انا بالرديـه ماطلـع ذكـري
الـــمـــســـعـــودي
انت ياخادم الدنيـا نسيـت الديـن
لو نهز الجذع ضلا البلـح يـذري
ذكرك اسود من الغدرا وحب التيـن
لو اوصفك في بيتين مـن شعـري
الــعــصـــيـــمـــي
قاضي الحق واحد والشهود اثنيـن
ان نشدناك وش سوابك المصـري
قلت ياذيب درب الغانميـن يميـن
مير مهبول لاتتعـب ولا تـزري
الـــمـــســـعـــودي
طيب الشكل والمضمون ماهو زين
مثل مافالبحـر للمـد والجـزري
الحمامه تنـادي راعـي المرتيـن
عند عش الطيورالنبـق والسـدري
الـــــمــــــســــــعــــــودي
من وسيع المعرفه نستفيد * هرجةٍ فاضت مع الحنجـره
مفتكر في جابةٍ قلتها * يالعصيمـي صـح والا خطـا
شفت لي زول بدا من بعيد * مافسرته رجل والا مـره
قلت هذا الشخص قلتها * يالعصيمي صـح والا خطـا
الــــعــــصـــــيـــــمـــــي
اسمعوا يافاهمين النشيد * ذا خطا وارجوكـم المعـذره
اعتذر في جابةٍ قلتها * لجـل اقلـك صـح ولاخطـا
كل يوم فالعمر يوم عيد * يجلـب الافـراح والغنـدره
هرجةٍ في خاطري قلتها * ياهذيلـي صـح والا خطـا
الـــــمــــــســــــعــــــودي
يخلق الله يافتى مايريد * ذا خطـا وايامـك محـاوره
وانت خابر كيف صرفتها * والله اعلم صح والا خطـا
كل شي حافظينه بقيـد * بالقلـم والبـوك والمسطـره
ليت عيني ماتشوف اختها * ياعميلي صـح والا خطـا
الــــعــــصـــــيـــــمـــــي
صح لي عين نظرها بعيـد * دربهـا قـدام ومدبـره
ان عرض لي حاجةٍ شفتها * ياعميلي صح والا خطـا
لو نقلك كل ميت شهيد * حين مايصـل ليـا المقبـره
الحياه وزينها عفتها * ميـر قلـي صـح والا خطـا
الـــــمــــــســــــعــــــودي
الله اعلم بالشقي والسعيد * والخطـا فالطرقـه مسيـره
مانت واصل سدرة المنتهى * وانت قلي صح والا خطا
فصلوا للبوم ثوب جديد * والبسـوه عمامـه مشجـره
وامه اصغر من سن بنتها * وانت قلي صح والا خطـا
الــــعــــصـــــيـــــمـــــي
صح فيما قلت وان زدت ازيد * ولك يوم تشاهده قمطره
وان مشت رجليك وقفتها * صح فالاول والاخر خطـا
مستحيل يصير علمك وكيد* مير خل علومك محـاذره
ياعميل الخير كبرتها * كيف اقلك صح وهيـه خطـا
جــــــــارالله الــــصـــــواط وعــــبـــــدالله
الـــــــــــــــــســـــــــــــــــواط
سلام ردية تخص أهل الجميل *** والله يجمّـل حالكـم يـا أهـل القـرى
أما العبوا والا اعذرونا يا هذيل *** وختـام هـذا الليـل مسـك وعنبـرا
الــــــــمــــــــســــــــعـــــــــودي
يا مرحبا بك ياعميل ( ن) لك عميل *** وإن كان ما يسري عميله ما سرى
ترى قصير الثوب ما يكسي الطويل *** أما شمر من قـدم والا مـن ورى
الـــــــــــــــــســـــــــــــــــواط
الكيف للخرمان من بن ( ن) وهيل *** ياللي تشوفـون العمـى والأعـورا
شفت المطر لكنّ ما شاهدت سيل *** يا اهل الطوابع كيف تنسون الغـرى
الــــــــمــــــــســــــــعـــــــــودي
ماني بحاذف واحد(ن) عابر سبيل *** واللي يبا يقـرى يجـي لأم القـرى
يا سواط أنا ماجيت أدوّر من بخيل *** أكبـر مـن الشعـار والله أكبـرا
الـــــــــــــــــســـــــــــــــــواط
اصبر على قرص الحنش ليلك طويل *** ودّ الخبر للغافل اللـي مـا درى
ياللي تشوف أم الرعد وام الصهيل *** ما ودّيَ آحدّك على علـم الـزرى
الــــــــمــــــــســــــــعـــــــــودي
لو شفت مقروص الحنش ميت قتيل *** لا تنخش العقرب تجيك من الثرى
لو شلت راس العود عن راس الحسيل*** شيّلتك العيـدان يبـس وخضّـرا
الــــــــســــــــواط
من ضميرٍ يحسـب للمعانـي حسـاب
مرحبا مـن هجـوسٍ مانقفـل بابهـا
مار ياذيب خذ وزعتك بيـن الذيـاب
الليالـي عليـك يــدور مشعابـهـا
الـــمـــســــعــــودي
كل راعي سوال يجيـه منـي جـواب
والوصيه من اجـدادي موصـي بهـا
وزعتي محتميها مـن يديـن النهـاب
وانت وزعتك اخذهـا اللـي تهنابهـا
الــــــــســــــــواط
انت تقرص كما قرص النحنش ماتهاب
قرصة اللي سواتك ما اسلـم اسبابهـا
من هرج في قفا غافل تحمـل عـذاب
مـن تعـشـى بكـذبـه ماتغدابـهـا
الـــمـــســــعــــودي
انت وش فيك توزي يدك في نحر داب
حيـةٍ سمهـا ساكـن تحـت نابـهـا
اذهبتـك الطماعـه جهلهـا بالذهـاب
والسبوق الصعـوب يطيـح ركابهـا
الــــــــســــــــواط
شاب راسي من الايـام وانـا شبـاب
شفت لي ناس تطعن نـاس بحرابهـا
ماستر جثـة الانسـان غيـر الثيـاب
الطماعه لاهلها واعـرف اصحابهـا
الـــمـــســــعــــودي
جاتنا اخباركم ياقـوم وانتـم غيـاب
مـن بطـت علتـه مايقتـل الا بهـا
مير لو انك احرص من وليد الغـراب
وش تحصل حصانيهـا مـع ذيابهـا
الــــــــســــــــواط
من يصدق خبـر نمـام ودا وجـاب
مثل بيعـة خسـر فالسـوق جلابهـا
الدكاتر تـداوي مـن يجيـه التهـاب
صنعة الاعور الدجـال يسعـى بهـا
الـــمـــســــعــــودي
مر قولك خطا ومرار قولك صـواب
والطبيعـه مـع الانسـان يضرابهـا
لو جسمك نواه الطيـب يمـداه طـاب
ليت وليـا الجمـال تعـدل ارقابهـا
الــــمــــســــعـــــودي
اقوله ولارجال تقول واعرف ثمرة العـود
يصيب الصيف والا مايصيب احسب حسابي
علام الحيه ام اربع بلا كسـره وعجـرود
على روس الحصا والشوك مكسوره تحابي
الـــــــــصـــــــــواط
تهيض يالهذيلي واعرف اهل البخل والجود
وانا ما ادق باب النـاس ليـن تـدق بابـي
لياشفت لك حيه تحترك فـي حـر وبـرود
لزوم انك على الغتـره تحافـظ والثيابـي
الــــمــــســــعـــــودي
ابو خمسين في وجهه شعر بيض وشعر سود
وفيه رماح في قلبه وفـي راسـه جنابـي
يشوف الدربه ويكبه كـم الـدرب مقعـود
وذب العلـم ذبـه لاتدربيـهـا درابــي
الـــــــــصـــــــــواط
ابو خمسين ثابت يوم ابو تسعيـن مطـرود
يبا يقـرا كتابـه يـوم كـل لـه كتابـي
لياكثر اللحـم فـوق اللحـم تاليـه للـدود
ورميات خطا ولا رمـي يطلـع صوابـي
الــــمــــســــعـــــودي
لكنك ماتقلي كيف صار النقـص والـزود
هذا ميـزان وانتـه خندفـي والا شبابـي
ياراع البندق اللي بطنها صفـره وعبـرود
ماعمرك شفت مرماها خطا والا صوابـي
الـــــــــصـــــــــواط
ابا اعلم عن اللي صار وابلغ كـل مقصـود
عن اللي يكتبون الخط في جنـاح الغرابـي
احد يرموم بطرطيعه وحد يرمـون بفـرود
واحد منهو على بطنـه حـرارة والتهابـي
الــــمــــســــعـــــودي
انا في خير ماني للخـوي الـلاش محـدود
تعب رجلي ولا اعلق على الجربـا جرابـي
ليا منك عرفـت النقـد مايلحقـك منقـود
عطيتك صرف لين انك تعدعدهـا ربابـي
الـــــــــصـــــــــواط
ترا النعمه كثيره ياسره والخيـر مرصـود
ثلاث ايام عنـد البـاب ماجـاك الخطابـي
وقصتك الغريبه جتك من حامـد ومحمـود
ولا ياذيـب لاتعـوى وقدامـك ذيـابـي
الــــمــــســــعـــــودي
لو انك مانت ابن حوا وابـن آدم ومولـود
احد مقفي واحـد قـادم وآدم مـن ترابـي
انا عارف ولابيني وبينـك علـم مجحـود
ولاتعمر بيـوت ساسهـا مبنـي خرابـي
الـــــــــســـــــــواط
انا مافار دمي واشربوا من حوض مـارود
وكرهوك الصحابه من طبوعك يالصحابـي
على شونـك تعكـز ياسليمـان ابـن داود
سنينـك عشتهـا مابيـن ميـل وانقلابـي
الــــمـــــســـــعـــــودي
هـلا يامرحبـا مـن واحـد للعلـم ويـسـده
ولايظلم ولايدنا الظلميـه * واسـر ياسـاري
الا يـاصـاحـب وده يعـلـمـنـي ولا وده
يهز بمطرق ماناش ريمه * واسـر ياسـاري
الــــــــــصــــــــــواط
ابن مستـور غايـب طـول الغيبـات والمـده
وفات من المغازي والغنيمه * واسر ياسـاري
حليلك يالعميـل اللـي تسـل السيـف وتحـده
يغرونك ليا ضحكت شريمه * واسر ياسـاري
الــــمـــــســـــعـــــودي
ترى مكه قريبه ياوسيـع العـرف مـن جـده
ولا هي بعد رابغ والقظيمه * واسـر ياسـاري
اعرف اللي عليه السرح واللـي فوقـه العـده
واعرف اللي العسل مالي يديمه * واسر ياساري
الــــــــــصــــــــــواط
ليا منـا هبطنـا سـوق مكـه تقصـر اللـده
تبر لو على دربه هشيمـه * واسـر ياسـاري
علامك يامسافر فـي طريقـك تصـدم القـده
ولاوصف القمر مثل النجيمه * واسر ياسـاري
الــــمـــــســـــعـــــودي
لكم خال ولكـم عـم ولكـم جـد ولكـم جـده
ياكثر احلامكم يا ابنا حليمه * واسر ياسـاري
بعد من شورها المشهور سموكـم علـى قـده
تعلم قومها الغشم الغشيمـه * واسـر ياسـاري
الــــــــــســــــــــواط
لنـا عـم ولنـا خـال شجيـع بحـزة الشـده
حليمه ترضع محمد كريمه * واسـر ياسـاري
شهر شعبان جانـا ورمضـان الصايـم يعـده
وكل عند ربك له قسيمـه * واسـر ياسـاري
الــــمـــــســـــعـــــودي
ياطول علومكم ياعرضهـا فـالارض ممتـده
علوم الناس والذمه ذميمـه * واسـر ياسـاري
نهار العيـد كـل يشتـري ثـوب علـى قـده
ونظاره على العين الكريمه * واسـر ياسـاري
الــــــــــصــــــــــواط
علـوم الصـدق نبديهـا لكـم ود الخبـر وده
ولا ياراعي الصنعه قديمه * واسـر ياسـاري
نهـار العيـد يومنـا لقينـا راسـك تـكـده
مانرضالك خلاف ولاشتيمه * واسر ياسـاري
الــــمـــــســـــعـــــودي
ليال الصيف كيف تصيـر محتـره ومبـرده
ليا جاتك الحمى الحميمـه * واسـر ياسـاري
اظك لو تشتري لـك جمـل ماتعـرف تقـده
تعود تشتري لك عود خيمه * واسر ياسـاري
الــــــــــســــــــــواط
يان بمستور لي نيبان وقـت الصيـف محتـده
ولاياذيب دور ك خريمـه * واسـر ياسـاري
ليا مني شريت بعيـر وخطامـه علـى خـده
ابا شده بحمله والوسيمـه * واسـر ياسـاري
الــــمـــــســـــعـــــودي
اظن انـه بـلا منـه طـول سنـه ولا بـده
بري من دم هذيك البهيمه * واسـر ياسـاري
تقوله يالعتيبي وانـت بيـن البـاب والصـده
تبا المفزاع وعظامك سقيمه * واسر ياسـاري
الــــــــســـــــــواط
ياسلامـي عليكـم والمعـانـي ثقيـلـه
من هواجيس شاعر لـن بغاهـا لقاهـا
لاتضيـع طريقـك يالبعيـر الدليـلـه
من عطـا نصهـا لابـد ياخـذ ملاهـا
الـــمــــســــعــــودي
مرحبابـك تراحيـب ولا هـي قليـلـه
فالبدايـة وتقسيـم السوالـف وراهــا
عزتـي للفقيـر اللـي قليـل حصيلـه
كـل بيـر تهـدم حيـن ينبـاح ماهـا
الــــــــســـــــــواط
البقـا ياعريـف مـن رجـال الجميلـه
كل قسمـه ليـا جتنـا نرجـع جزاهـا
الله انـه يـداوي كــل روح عليـلـه
مير بعض العرب ماودي اشقر عصاهـا
الـــمــــســــعــــودي
كل طيـب يجينـا يالعتيبـي نجـي لـه
حيث ماتمسي الاجـواد نمسـي مساهـا
الكحـل مايبـا غيـر العيـون الجميلـه
حلوة العين مير الكحـل زايـد علاهـا
الــــــــســـــــــواط
التهامي يسيـر بالعسـل فـي صميلـه
يحسب انه يعود سمـن ضـان شراهـا
المسافـر لفـا مـن غيبـتـه للقبيـلـه
ديرتـه بعـد ماسـار يبكـي حصاهـا
الـــمــــســــعــــودي
كل واحد يشوف الشنكـره فـي عميلـه
ماحد منهم رضي والناس يصعب رضاها
لو تحيل علـى الـروح البريـه بحيلـه
مـت قدامهـا ياللـي تـدور عنـاهـا
الــــــــســـــــــواط
ليـن ذلحيـن مانكرتـوه قصـه مهيلـه
قالوا اهل المثل ستـر المانـي غطاهـا
كسوتي ضافيه وانشد رجـال الصميلـه
اشقح النـار واسلـم مالحقنـي صلاهـا
الـــمــــســــعــــودي
كيف تلحق على راسي عصاك الطويلـه
وانت مانته بعارف صوبها من خطاهـا
عندكـم دلـة مـن زنجبيلـه وهيـلـه
احـد منكـم يفضيهـا والاخـر ملاهـا
الــــــــســـــــــواط
سركـم عندنامكتـوم يـاهـل بجيـلـه
دار الايتـام تـرى كـل حـي نصاهـا
عندنـا الدلـه اللـي ماعلاهـا فشيلـه
من حما وجههـا مجبـور يحمـا قفاهـا
الـــمــــســــعــــودي
لاتطـش اللحـم والـزر يابـو بليـلـه
البليله بـلا فـي بطـن منهـو كلاهـا
احد يطرد واحـد يقعـد لبـاب العقيلـه
ان كسبتوا كسبتوا وان خسرتوا عساهـا
الــــــــســـــــــواط
الهذيلـي هـذه ياطـول ليلـي وليـلـه
ثارت القنبلـه فالنـاس واكلـت لحاهـا
..............................
................... ...............
الـــمــــســــعــــودي
صاحب الفيل خش العود في خشـم فيلـه
لين طاحت ضروسه كلها مـن جماهـا
صاحبي معترف والاعتـراف الفضيلـه
خير له من حبـال فـي رقبتـه لواهـا
الــــــــســـــــــواط
في بلدكم حرامـي سرقتـه فـي حثيلـه
لاتصلي مـع صفـوف قصـار يداهـا
ياهل الورد الاصلـي خالطـه زنجبيلـه
زنجبيلـه حرارتهـا بـلا مـن يباهـا
الـــمــــســــعــــودي
مايعـرف الخليـل الطيـب الا خليـلـه
والحمامـه توقـع مـع حمامـه كماهـا
كل حصني تظلـي شامتـه راس ذيلـه
دس شامتك لاترجمك الارض بحصاهـا
الــــــــســـــــــواط
يالله انـي دخيلـك يامناجـي دخيـلـه
تستـر العـوره اللـي مابحثنـا خفاهـا
الحصينـي سياسـي والهـدف يستويلـه
حجتـك ياحمـد وحمـود كـل قراهـا
الـــمــــســــعــــودي
كان ثارت عيل كبسـون مجنـون ليلـه
بندقـك يالعتيبـي ثايـره فـي خباهـا
خيركم مايحـرك سيلكـم عـن مسيلـه
شايـل حـب عمتكـم وشايـل رحاهـا
الــــــــســـــــــواط
بندقي صابـت الشـاره ولاهـي كليلـه
والمريضه عجزتوا يابـدوا فـي دواهـا
......................
ماتضيق الدروب ان جالها اللـي مشاهـا
الـــمــــســــعــــودي
خابر فعلكـم ياهـل السيـوف الصقيلـه
من جسد واحد السيفيـن تقطـر دماهـا
انت تنهب عشاك مـن اليديـن البخيلـه
والبخيل ان فقد لـه نـص كيلـه بكاهـا
الـــمـــســــعــــودي
سرا الليل والمعنـى مثنـى ومعقـول
ومعقول ماعمـره قطـع لـه مسافـه
يابن وصل اشوفك ترفع الصوت وتقول
وانا خابرك عاقـل ماتدنـى الخلافـه
الــــــــســــــــواط
تسلط على معناك بالعـرض والطـول
ولاتلحـق القايـت وجـود وحسافـه
وياللي عقدت الحبـل وليـاه محلـول
وعينـك ليـا فتحتهـا الهـا صرافـه
الـــمـــســــعــــودي
تعرضت لاحداث الدهر مانت مسـؤول
وبعـض التعـرض للبنـادم لقـافـه
بسط راعي الدكـان بالخبـز والفـول
واخذ له سنة ببضاعتـه ماحـد شافـه
الــــــــســــــــواط
ابصبر وما جا منـك مقبـول مقبـول
لكـن انتبـه لاهـل الحـي واللقافـه
اناشفت لي هـاك السنـه يمكـم زول
تعشـى بشابـوره ويفطـر بكنـافـه
الـــمـــســــعــــودي
علامك نثرت القدر والقـدر معسـول
بعد ماشبعـت مـن العسـل لاتعافـه
تقبضت راس المال وارسلت مرسـول
وسويت نفسك مـن رجـال الصحافـه
الــــــــســــــــواط
انا ماشعت الراس فـي علـم مفتـول
وانا اعرف سدودك ياسعـود العرافـه
احد مستريح وحـي فالوقـت مشغـول
وحـي يطـوف ولا كمـل طـوافـه
الـــمـــســــعــــودي
انا مادرى عـن نيتـي كـل مهبـول
لكن الهـدف لاهلـه سريـع انكشافـه
ليا جيت ابشري لي من السوق ماكـول
امش السمن فـي ثـوب راع الكنافـه
الــــــــســــــــواط
رفيقك زرع له زرع غيـر محصـول
بـدت حبتـه ماتسلـم مـن الكسافـه
انا شفت شخص فيه شيمـه ومعقـول
ليا زاوره مشبوه مـا اضفـى لحافـه
مــــســـــتـــــور
سلام رديـه لهـا درب ضمـان
واجب على اللافيـن رد السلامـي
سالم من الشكـات يابـو سليمـان
حتى عيونـك تهتنـي بالمنامـي
عـــــــبـــــــدالله
يامرحبا ياضيف ريض وعجـلان
ترحيبة الصفطان واسمع كلامـي
ياراي المعذار وش صار وش كان
ومن ايش اخاف وبندقي في حزامي
مــــســـــتـــــور
ماني بشيـال الجنايـز والاكفـان
نبا نخيل البـرق وان لاح شامـي
اللي تغرز لـه بـدوش وريحـان
عاده لابو عرام في كـل عامـي
عـــــــبـــــــدالله
جاتك تدرج من نعش فوق عيـدان
لكـن موتـي لعلهـا للرحـامـي
ماكل من ينفخ على الناس زعـلان
ولاكل مايبرد على كبـد ضامـي
مــــســـــتـــــور
ياطير لك مخلب وريش وجنحـان
ودي بقتلك ميـر قتلـك حرامـي
لو من سمع بالعلم شاهد بالاعيـان
ماكان قال النور مثـل الظلامـي
عـــــــبـــــــدالله
الطير جايك دونه الذيب سرحـان
والذيب ماهو صيده لكـل رامـي
انته غني ضليت واليـوم فقـران
والديره العدمـه يجيهـا العدامـي
مــــســـــتـــــور
لو مالمشاكل وقعت بين الاخـوان
ماكان يبقى فـي تهامـه تهامـي
ماراح لي دينمـه ولانـي بمـدان
العـام واليومـه قـوي العظامـي