[منقاش]

رد: ســهيل وشـهـــادة الزور .. !! رد: ســهيل وشـهـــادة الزور .. !! رد: ســهيل وشـهـــادة الزور .. !! رد: ســهيل وشـهـــادة الزور .. !! رد: ســهيل وشـهـــادة الزور .. !!

ونعم بك يا أخ سهيل , والمنتدى لك ولبقية أخوانك اللي يفخرون بوجودك معهم وأولهم أنا , ولا يبغونك تصعد في السما ولا تنزل في ألأرض, يبغونك تبقى بينهم على ألأرض ويبغونك تحذف حرف الياء من أسمك وتصبح سهل , فاللهم أجعل سهيلا سهلا وسهل له كل صعب .
نبغيك تسير سهل تراه أفضل لك مليون مره من سهيل , والسهيل أن طلعته في السما نجم وأن نزلته في ألأرض ما زاد عن كونه تصغير للسهل , ونحنا واياك مالنا فكه من هألأرض وما فيها ومن فيها , منها خلقناكم وفيها نعيدكم ومنها نخرجكم تارة أخرى , هذا هو العلم الوكاد اللي يجمد عليه الشارب , وهو العلم اللي لا بد نستيقنه وهو مصيرنا اللي ما لنا عنه مجنابه .
أقول كلنا بما فيهم أنا وأنت والشيخ منقاش اللي من ألقابه الرسميه بدر الدجى , لكن هذا البدر أذا أجتمع مع محبوبته الشمس طفى وخبا ضوه واختفى في رابعة النهار حسب التوقيت الغروبي وعاشرة النهار حسب التوقيت الشمسي .
ولا هو غريب يا صديقي ويا حبيبي يا سهيل أن القمر يصبح طافي ضو رابعة النهار أذا ألتقى مع محبوبته (الشمس) في كبد السماء , لأن محبوبته أذا ظهرت طفت مع ظهورها كل ألأضواء بما فيها طافي الضو سهيل وخويته الثريا وبقية الشله طافين الضو ...
وهذا الواقع لا يعيب بدر الدجى أذا كانت محبوبته الشمس بهالمكانه والتكانه والنجوميه وهالأضواء الباهره , ومحبوبته الشمس لا يعيبها كونها أنثى طالما أنها مصدر الحياه ومصدر ألأشعاع والنور بمشيئة الله , وهذا ما عناه شاعرنا الرومنسي حسن عابد عندما قال :
ولو كان النساء كمثل هذي@@لفضلت النساء على الرجال
فما التأنيث لاسم الشمس عيب@@ولا التذكير فخر للهلال
ومع ذكرنا لكل هالرومنسيات المغرقه في ألأحلام أرجوكم تنسون واقع القمر بعد أكتشافه من قبل ألأنسان وظهوره على حقيقته المره , وأرجوكم تنسون واقع الشمس الجهنمي اللي أكتشفه ألأنسان مؤخرا ,, ولا نقول ألا حسبنا الله على الحالمين وأولهم الشعراء اللي توهونا على ألأرض وبعد ما هو كافيهم ويبون يتوهونا في السما وثقوبها السوداء , وشكرا ...