[عطر السحاب]

المشاركة الأصلية كتبت بواسطة ابو فهد

ياعطر وورد وياسمين مساك الله بالخير وانت باصح القوى العقليه والنفسيه

المشاركة الأصلية كتبت بواسطة ابو فهد

موضوعك هذا جاب لي احباط واضني عرفت ليش

اقلك
انا ما احب الكلام الممطوط وهذا الرجال بالفديو يمطط الكلام
الشيئ الثاني يقول هذه خصيصا على شاني واللي جايبها انت طيب ليش يعلمك

بصراحه شغله عيت تزبط
ناديت الحرمه قلت يمكن تضبط معها الهرجه قامت الحرمه تطقطق عليه تقول جايب واحد ( يمجغ الكلام ) تقلي اسمعيه وبيني وبينك طاح وجهي .

جيت اجرب مع الورع قلت مايقدر يقول شيئ وبمارس معاه سلطاتي الابويه واخليه يسمع غصب عن عين اهله لين يرقد وبعدين احاول القط وجهي وافرد ريشي اللي نتفته الحرمه جلس جمبي وقعد شويه يسمع مادريت الا ناط فيه ابويه قلت اكيد بدى يتخدر ولا نام وانفجع الا يقلي سمعلي جدول 4 بكره عندي اختبار فيه كتمت غيضي وسمعتله الجدول وطردته يروح ينام وانا كتبت لك الرد وشكلي بلحقه احسن لي .
........

الزبده اضن الامر لاينفع مع ياولد العم مدري انا مختلف ولا المصري هو اللي مختلف ولا القناعه اساسا يجب ان تكون موجوده مدري لكن اعذرني عيت الشغله تزبط معي .

دمت بصحه ودفا في هالبرد وبدون كحه ولا انفلوزا

مشكور على ردك على الموضوع بس مو لهاذي الدرجه الشغله صعبه سهلها تسهل صعبها تصعب بدون تشتت ذهني وبدون ماتفرض نفسك على شي تبي تحس فيه مايصير هذا الكلام يبيلك تطبق البرنامج على نفسك وبعدين على غيرك التنويم الإيحائي لازم يكون فيه قرقه كثير علشان يتمكن من السيطه على نفسك ...