[سنا الهجرة]

تصدقون إن فيه شباب من الربع أخوياي مستأجرين جزء صغير من مزرعة ( زاوية منها فقط ) وحاطين فيها شوية حلال ( غنم وتيوس ويفكرون يجيبون نياق بعد هههههه ) ومزينين لهم بيت شعر وغريفات من أول جاهزة يحطون فيها العلف والحب حق الحلال وزارعين لهم شوي طماط على شوي برسيم وحاجات ثانيه نسيتها. والمنطقة اللي ما خذينها أتوقع انها ما تتجاوز خسة آلاف متر أو حولها ... وما خذينها بسعر رمزي جداً
عاد الطاري سلمكم الله إن هذي المزعة كبيرة بالحيل والباقي منها مستأجرها بنقالي وهي فيها خير مزروعة نخيل والباقي زارعها مما لذ وطاب والما ما شاء الله أربع وعشرين ساعة شغال والعمال اللي شغالين مع هالبنقالي فوق الثلاثين عامل وأصحاب المزرعة من أهل جدة ولا هم بيمها شكلهم .. وتدرون بكم مستأجر المزرعة هالبنقالي ؟؟؟؟ بــ 150 ألف ريال .....
ريال ينطح ريال.
لا ويقولون الشباب إن عنده غيرها مزارع كثيرة
شفتوا اشلون إستولوا علينا هالعماميل ؟؟؟؟؟

وهذي بسيطة >> نقدر نقول إن المزارع مالها ناس يزرعونها بعد تنازلوا عن زراعتها أهلها !!!!
لكن البلا كل البلا من هـ المتسترين اللي الواحد منهم يفتح له بقاله والا مغسلة والا مطعم والا أي محل تجاري ثاني وتكون مكلفته شي وشويات هاثم يأجرها على هالعمال بمبلغ رمزي ما يجي راتب شغاله والا سواق على قول الربع اللي فوق .. وأخونا فالله راضي مبسوط بـ هالفراطة اللي يطشها عليه العامل كل شهر وهي ما تسوى شي، ولا يدري أخونا فالله إنه حرم إنسان سعودي عاطل من ممارسة مثل هذي التجارة المربحة لأنه بكل بساطه ما يقدر يفتح محل وينافس واحد أجنبي يستطيع إنه يكتفي بمكسب ضئيل لمدة سنين على شان يطفش إبن البلد ويطردة شر طردة، وبعد كذا يصفي له الجو ويفوز بخيرات هذي البلاد ويحرم أهلها منها >>>>> وما خفي أكيد أعظم وأطم
والله المستعان