[حسن عابد]

اسمع حبيبي لا تنقدنا بعد
ماعاد باقي للحسابات اخشرى
اختار من كيفك نكد ولا سعد
انا حبالي اطوال واطول من كرى
الصدق هذا واعتبر هذا وعد
وعدا يداوي كل جرحا مابرى
ولا تقدم لي عهد وخذ العهد
والعهد سنه طبقت بام القرى
ان هب نسناس المخيله والرعد
تحمد الله فالبيوت ام الذرى
لا تشتكي مر المعيشه والسهد
واذكر الاها للمعاصي يغفرا
اهل المديح تدف روحك للنقد
ولا همهم لو طحت من طلعة كرا
احذر على السمعه وسايف فالبلد
خلك طبيعي كل شي مقدرا
الهلس خيمه طايحه بلا عمد
يجلب على راعيه عار ومصخرا
اهنا مع الدنيا بضحكه من برد
وارتاح مما راح في يوم وجرى
افش السلام ولا تقرب للحسد
والفرض لا تنساه زاد المقبرا
من يزرع المعروف مايحصد نكد
يعيش قيدومه ولا يرجع ورى
الخير كل الخير في قلبا زهد
والشر في هرجه بلا زم وعرى
الصدق فاعل ماملكه الا اسد
مثل الشرف مافيه بيع ولا شرى
السبت مايفرق عن اثنين وأحد
وبالنهايه كل شي وله سرى
سبحانه المعبود قدوس وصمد
احسن صور ادم وفي كونه يرى
يحب عبده ان رقد ولا سجد
يعفو واظن العفو عند المقدرا