[تحت الصفر]

إلْــزَمٌــوا زُمْـلُــوقْ إلْــزَمٌــوا زُمْـلُــوقْ إلْــزَمٌــوا زُمْـلُــوقْ إلْــزَمٌــوا زُمْـلُــوقْ إلْــزَمٌــوا زُمْـلُــوقْ

ترحموا على زملوق الليلة .. وما مشاكس عنه ببعيدالله يسامحك يا سنا وهقتني مع زملوق

[POEM="type=2 bkcolor=#FFFFFF color=#FF9966 font="normal x-large Arial, Helvetica, sans-serif""]أمر صادر من سنا .. واستقبله (تحت الصفر)=بالتحية والسلام ومرحبا واخواتها
ثم قاس العلم كنّه في قياس بيختبر=لين جاب صفات قوم مغيرات صفاتها
فاتها ما عاد يمديها تحج وتعتمر=واستمرت فالغيا ماكن شيٍ فاتها
ما تحملها عُرَى زملوق فالدرب العَسِر=آهـ يا وقفات خلق الله ويا فزعاتها
الزموا زملوق ابو خرطوم لوهو يحتضر=لا يزَوّغْ بين عُود المشكلة ولحاتها
علموه ان العلوم علوم .. والموقف خطر=والقروم اللي تَهَبْ خرطوم تهبا هباتها
وعلموه ان المنفِّذ جاه ماهو منتظر=حطها فالعارضات وكسَّرت قِداتها
حطها بالراس فالكراس ما شَتْهَا ظِفِرْ=لكن انه جابها بالراس كنّه شاتها
لك على ما قيل يا زملوق طبخة في قدر=من طبخها زاد فلفلها مع بهاراتها
إن تبي قَرْصَة نحل والا تبي قرصة دبر=دبر اسود قرصته والقبر مع قرصاتها
قَعْدَتَك .. يامر طعم الصبر والطبع الودر=وصَعْدِتَك .. لابد لك من مثلها وسواتها
وان تروح يمين يا مترين يا تنقص متر=وان تروح يسار مثل النا في صلياتها
لو تَغَسّل بالشذاب ولو تطبب بالسدر=لا شذاب ولا سدر ينفع .. ولا وصفاتها
ولو يجيك من النباتيين فالساعة لتر=ما تداوي ام الركب لا جات في حزاتها[/POEM]

سلامتي وسلامتكم من زملوق وحاشيته