بقفي وانا أشيل الزعل رأس ومتون = وأعلمك وشلون تطنا الطنايا
رح واسأل اللي قبلنا كيف وشلون = وش يتركون أليا ابعدوا بالحنايا
يطنون طيب وعز واحيان يطنون = نخوه لو نورد حياض المنايا
الشين لا سمعوا عبارات تكفون = حتى الجبال السود تصبح سرايا
ياصاحبي بالهون بالهون بالهون = يعني تركد لا تطاير شظايا
واللي خلق هالكون ومدبر الكون = لا أ قفي لو فراقك خوي المنايا
وش عاد لو كل المخاليق يدرون = ماهمني لو ينسجون الحكايا
ما يقطعون الرزق مهما يسوون = المعطي الرزاق رب البرايا
دامي على وضح النقا لو يقولون = ارقى سنود ولا التفت وش ورايا