[سهيل2012]

المشاركة الأصلية كتبت بواسطة صاحبة مبدأ

كتب أحدهم معاناته مع القرض لعل غيره من البشر يتعض بما قال فقال:

. ما لعب فيني وخلاني عدم
ألا قرضٍ رحت للبنك وخذيته .

. يوم جيت موظفه لي قال سم
جابلي عقده ولا حتى قريته .

. ما قريته بس سليت القلم
وانخرب بيتي عسى الله يهد بيته .

. غرِني من يوم قال القرض تم
في حسابك روح تلقاه ولقيته .

. كني أبكم لا بعد كني أصم
كيف جيت البنك قولوا كيف جيته .

. قمت أخطط وأرسم أحلامي رسم
وأبني الآمال وأرفع ما بنيته .

. قلت أبشريلي همر وألا بي أم
وكل حلمٍ مر في ليلي سريته .

. وقمت أشاور كل منهو يفتهم
لين جيت لصاحبٍ صدفه لقيته .

. قال أبعرف كم تملك قول كم
قلت واجد لو تبا السيف إشتريته .

. قال روح ألحق زمانك وأغتنم
روح سوق البورصه وفعلاً نصيته .

. وصرت منهم شامل العرف وملم
وكل حرفٍ ينكتب عنها قريته .

. مقابل الشاشه مثل قطعه صنم
بس أسولف بالسهم كيته وكيته .

. متابعٍ لي حشد ناسٍ تزدحم
لين معهم مرقب أحلامي رقيته .

. وفي ضحى ما فيه وجهِ مبتسم
أنهار صرحٍ بانهياره ما هقيته .

. وفقت من حلم الأماني منصدم
من غبى القدوه هذاك اللي إقتديته .

. حسبي الله كيف عيشني بوهم
لين راس المال بالأسهم رميته .

. لو شريت نياق وشوية بهم
وكل ديانٍ يطالبني وفيته .

. خير من مليون صندوق وسهم
ولا لقيت أللي من الأسهم لقيته .

لو شريت نياق وشوية بهم
وكل ديانٍ يطالبني وفيته .

. خير من مليون صندوق وسهم
ولا لقيت أللي من الأسهم لقيته .

نعم لو شريت نياق وشويت بهم ..

فعلا أصحاب البنوك يروح لهم الواحد يبي يجس النبض ويسأل ..هاثم يكثرون الحكي عليه لين

يورطونه في القرض ..صراحة عندهم وسائل إقناع

عجيبة جدا لإقناع المقترضين ...

ما أقول إلا الله يعين ويخلص عنا وعن ساير إخواننا

المقترضين .
شكرا على هذه المداخلة الجيدة والأبيات المناسبة للموضوع .