[سهيل2012]

المشاركة الأصلية كتبت بواسطة حسن عابد

مدري ليه ياسهيل صار الوقوف صفة ملازمة للعرب
الشعب السوري واقف الليل والنهار
الجامعة العربية واقفة
وبشار وزبانيته واقفين على قدم وساق
والبدو في المناسبات واقفين
حتى الدواب اكرمك الله تقف في الجبال تنتظر حب ينزل من السماء
والمطر واقف
ومنتدى منقاش واقف
والمنتخب واقف مع استراليا البارده
حتى فتح وحماس واقفه هذه الايام
اما الشعار واقفين وقاعدين وحركة وعلوم طوال وعراض الشعار بس الشعار هم من يبردون القلب في العالم العربي لأن مهمتهم سهله ورقه وقلم وهات الحروف الثمانية والعشرين وارسل حبة فوق وحبة تحت
تصور حال الشعار الصينيين واليابانيين اللي لغتهم حروفها بالمئات او تزيد من جد رايحين يجلسون من اول وهلة ويتجهون للعلوم والتكنولوجيااااااا

ما شاء الله تبارك الله ..

أجمل رد قرأته إلى الآن في هذا الموضوع .. صراحة ..ضحكتني الله يسعدك ..!

وعلى طارئ الوقوووووووووووف ..

فيه في دولة ( قطر ) الشقيقة سوق اسمه سوق وااااااااقف ..!

وقد تشرفت قبل عام ونيف بزيارة إلى هذا السوق ..وباين من اسمه :إن اللي فيه ويمرونه

لازم يوقفون !

..ومرينا السوق ..

سوق شعبي غريب عجيب يشتمل على فعاليات ثقافية متنوعة من دول ومجتمعات متباينة

وكل الشغل على الواقف ..يعرضون ( اثنين..اثنين) في ممرات السوق واقفين ..والجمهور

يتفرج واقف ..والكل واقف ..فعلا اسم على مسمى ..

ما أدري ليه جا على بالي ...واصغ ِ سمعك للشاعر ذي الرمة وهو يقول :في ميّ ..

وَقَفتُ عَلى رَبع لِمَيَّةَ ناقَتي
فَما زِلتُ أَبكي عِنَدهُ وَأُخاطِبُه

وَأَسقيهِ حَتّى كادَ مِمّا أَبُثُّهُ
تُكَلِّمُني أَحجارُهُ وَمَلاعِبُه

ــــــــــــــــــــــــــــــــــــــــــــــــــ ـــــــ