[حسن عابد]

المشاركة الأصلية كتبت بواسطة حسن عابد

بدون ديباجه وحركات اقحوانية نريد صلح بين الاطراف المتنازعة وكلا يدلي بدلوه في اربعة ابيات شعر والمؤيد والمعارض والمجاري رده على نفس الوزن والقافية وبأربعة ابيات وحبذا
لو كان الحكام سنا والنادر والمثل يقول ماتعرض الدعوة على غير قاضي والبداية بعد اذن زملوق لشاعرنا تحت الصفر

المشاركة الأصلية كتبت بواسطة سهيل2012

فكرة راااااااااااااائعة جدا ..

وأنا من المؤيدين لها ..

( الصلح زيييييييييين ) !!

متااااااااااااابعين ..وننتظر شاعرنا تحت الصفر ...

المشاركة الأصلية كتبت بواسطة تحت الصفر

الله يصلحني ويصلحك يا حسن ويهدي زملوق عن المحرشة بخلق الله
الحين ما لقيت الا تصلح بيني وبين وبين زملوق
لو قلت مشاكس كان أشوى
لكن شورك هدآآآآآ
يبدون إن فيه امسية جميلة راح تكون بقيادتك طال عمرك < وانت قدها

وأقول بسم الله < خليني أبدأ بالطيب يمكن يلين قلب زملوق

[POEM="type=2 bkcolor=#000000 color=#FFFFFF font="bold x-large Arial, Helvetica, sans-serif""]سلام الله على زملوق لو زملوق جا من فوق=سلام يعم ماهو بس يا زملوق لك وحدك
أنا تحت الصفر عندي فكر يغلب على المنطوق=ولاني زايد بعمرك ، ولاني حافر(ن) لحدك
أنا شفتك تبي كف ( النقد والشر ) يا مخلوق=وكملها حسن وآنـا موافق وابشر بسعدك
تعال اقلط على الفنجان والقرصان والمرقوق=تراها بادرة للي معك واللي يجي بعدك[/POEM]

المشاركة الأصلية كتبت بواسطة تحت الصفر

يا مرحبا يا سهيل عد الهيل
ما من روعة الا بـ تواجدك وبـ توجيهات شاعرنا المخضرم وراعي العلوم الطيبة/ حسن عابد
والصلح ما يابا منه الا خسران وأنا ولدكم ولاني خارج من إيديكم
ولا لكم الا طيبة الخاطر ولو إني كنت معبي الـ آر بي جي ومقتعد لزملوق تحت الدرج ونويت أنسفه نسفاً مبرحاً
لكن سلمه الله بعد ما تدخلوا العقال في الوقت المناسب

المشاركة الأصلية كتبت بواسطة سنا الهجرة

أرحب يا حسن ارحب
هذي علوم العرب طال عمرك
هوشة ومخابط وبعدين إصلح ابرح وراحت صلح وفاز من فاز وخسر من خسر
والحمد لله الصلح خير
مع اني بغيت زملوق ينقمع قمعة تخفيه عنا سنه ويلحقه مشاكس

لكن على قول تحت الصفر لعلها خيره
وصح لسانك يا تحت الصفر وفيت وكفيت وما باقي الا نشوف علوم زملوق عساه بس ما يخبرها تراه راعي عوايد
أما مسألة التحكيم فـ تراها عندك أنت وسهيل والنادر أنا يعتبرني زملوق خصم فـ ما ينفع أكون في لجنة التحكيم

المشاركة الأصلية كتبت بواسطة صقر الحجاز

ياسلام ياسلام
متابعين واشد من ازركم

المشاركة الأصلية كتبت بواسطة سنا الهجرة

زملوق شكل معاه شياطين ما تحب الصلح
من يوم فتح هذا الموضوع إختفى الله يأمنا

المشاركة الأصلية كتبت بواسطة حسن عابد

زملوووووووووووق
اقلط على مرحبا وهات علومك ياذيب

المشاركة الأصلية كتبت بواسطة زملوق

[POEM="type=1 font="bold large Tahoma, Verdana, Arial, Helvetica, sans-serif""]تسلم وانت خابر بيننا هوشه ولزم حلوق= عسى ربي يسلم واحد ن جابك ولي ردك
نويت احوس بطنك وآقف فدربك بقلة ذوق= والقنك انت درس تتوب عن واحد مهو قدك
لكن حشمة حسن عابد نبي ما بيننا مفروق =ولك مني على وضح النقا بوسه على خدك
يا تحت الصفر ياراعي الوفى يالغالي المرموق =قبلنا الصلح شرط انك تتوب وتلتزم حدك[/POEM]

المشاركة الأصلية كتبت بواسطة النادر

حسن انت دايم راعي شور طيب

والحق ضالة المؤمن متى وجده اخذه واشوف ان الاثنين يملكون من العقل الكثير الذي يدفن الفتنه ويفتح باب التفاهم

وانت ابلشتني فالتحكيم الاثنين دواهي واحد يسرقك بحلاوة لسانه والثاني حتى لو الحق مخالفة عنده حجه قويه

وانا اقول الخروج من بين الاثنين سلامة وعز الله انهم ابدوا حسن النيه

خطوة اولى تبشر بعلوم زينه
:r ose: