[الأمير]

. بسم الله الرحمن الرحيم ..وأصلي على النبي الكريم *وبعد أنا حبيت أشارك في مسابقة المرثيه وأرجو من كل من يقرأها يدعي ل ( عبداللطيف بن عبيد الثمالي ) بالرحمه (الله يرحمه) وأقول اللي قاله الشاعر :*
يا بيوت الشعر وينك ما بقى فيني مجال * * * * *
** * * * *أكتب ابيات القصيد وحزني سابيني سبي .

. كان ما طوعت حرفي لا ولا نلت المنال * * * * *
** * * * *ويش عاد ابغى بنفسي لو ما احقق مطلبي .

. إن بغيت اكتب قصيده عادي ما فيه احتمال * * * * *
** * * * *البلى كان القصيده هيّه اللي ما تبي .

. من سبب حزن(ن) تمكن في فؤادي لا يزال * * * * *
** * * * *من فراقك يا عبداللطيف يا عريب المنسبي .

. قصة افراقك غريبه واللي اغرب كيف مال * * * * *
** * * * *حظك وحظي وحظ امك وابوك وحظ ابي .

. القدر مكتوب واحنا نشكر الله بأي حال * * * * *
** * * * *لكن اللي صار عيّا فكري له يستوعبي .

. كيف مات وليه مات وجاوبوا هذا السؤال * * * * *
** * * * *آآآه بس استغفر الله من كلام يضر بي .

. ليه ما نادى عليه قال يا مهنا تعال * * * * *
** * * * *والله انه لو طلبني كان جيته لو حبي .

. كل من يعرف بقصة موته انصاب بهبال * * * * *
** * * * *وقال جعل اللي غدر به في جهنم يصلبي .

. ما دروا من هو غريمه يحسبونه شخص ضال * * * * *
** * * * *ما حسبنا حساب عمه يقتله من يحسبي .

. هذا قال وهذا قال وهذا قال وهذا قال * * * * *
** * * * *وانا اقول اللي يقول يقول كل اللي يبي .

. بس لا يغلط ويحشم نفسه يبقى بن حلال * * * * *
** * * * *من بيغلط فيه عندي والله يخسى ويهبي .

. يكفي انه ما رأت عيني شبيهه في الرجال * * * * *
** * * * *واتحدى أي أنثى مثل بعضه تنجبي .

. إعطني لو شخص واحد يلقى لعبداللطيف مثال * * * * *
** * * * *وان لقى له يعلم الله إني لاحلق شاربي .

. والله اني كنت احبك إنت من بد العيال * * * * *
** * * * *كنت عندي شخص غالي لانك الحر الأبي .

. يا عبداللطيف كيف ابصبر صارت همومي ثقال * * * * *
** * * * *ذكرياتك يا حبيبي ما قواها منكبي .

. وين ما لديت وجهي رحت اهوجس بالخيال * * * * *
** * * * *عن عيون الناس احاول قد مقدر أختبي .

. الحزن حطم ضلوعي وانت نسيانك محال * * * * *
** * * * *كل ما اذكر ما جرى لك دمع عيني فاض بي .

. يا عبداللطيف بن عبيد الموت قطاع الوصال * * * * *
** * * * *وانت موتك ما قطع وصلي معك يا صاحبي .

. شوفني كل يوم اقهوي صورتك عيني دلال * * * * *
** * * * *أحمس البن افخفوقي جمر وضلوعي احطبي .

. يا عبداللطيف كيف ابفرح والفرح شد الرحال * * * * *
** * * * *يا فرح خلك بعيد ويا همومي أقربي .

. هذا ابوك اقرب دليل الحزن إغتاله اغتيال * * * * *
** * * * *من يقول انه سعيد اقول والله انك غبي .

. يالله انك ترحمه وتسكنه ضل وضلال * * * * *
** * * * *نجتمع به في جنانك بالصحابه والنبي .

. هذي مرثيتك وانا ما خطر في يوم بال * * * * *
** * * * *اني اكتبها ولكن يا يدي قومي اكتبي .

. خلدت ذكراك فيني شي لا يمكن يزال * * * * *
** * * * *لين شمس الكون تشرق من جهة ما تغربي .