[منقاش]

حليفنا المفوه الشاعر سهيل حفظه الله :
لا فض فوك وصح لسانك , والمخاي مجرد دجاجه أو تشكن بالأنقليزواني , ولا هو كفو وانا ابو نقشه لا للحصونه ولا للبسبسه ..
أما ابو نقشه فهو جبل من الجبال الرواسي اللي لو زالت من مراسيها كان مادت بكم الأرض ميده ما تلقون بعدها لا ميدات ولا قواعد ....
ورجايه ان بغيت يا حليفي توصف ابو نقشه بواحد من سباع الفلاه , فلا أقل من تشبيهه بالأسد اللي أذا زأر أنسمع زئيره من بعد عشرات الأميال ..
بخصوص عذب القوافي اللي سكبتها ثم سبكتها في قوالبها , أشكرك عليها بالرغم من هجومك على الفرس والروس والصين بقذايف أشوف أنها اخطتهم ولا حطت الا على روس أهل جبال السروات اللي تحتضن ثاني القبلتين والطايف المانوس وبلاد ثماله اللي يتوسطها وادي الأعرج مقر المشرف العام وحليفنا عباد اللي يبدو انهم هم الهدف النهائي لهالرجوم السماويه..

الا قبل انسى أختم واقول : أنت يا حليفي ويش بينك وبين أهل وادي الأعرج يوم تبي تنسفهم بالشهب والنيازك؟؟ ..