[منقاش]

رد: سافر .. وكأننا معاك رد: سافر .. وكأننا معاك رد: سافر .. وكأننا معاك رد: سافر .. وكأننا معاك رد: سافر .. وكأننا معاك

حليفنا الكبير الشيخ سلام سلمه الله وأبقاه
البقا ولا شقا , ونشكركم على ترحيبكم بقداستنا , ونشكركم كذلك على هدية الصوره الأخيره المحجوزه (الجحيش), وبعد :
بخصوص شكواكم اللي رفعتوها لنا والتمستم فيها النظر لكم بعين العطف والشفقه وتوجيه ابو عبدالرحمن بفك اسر صوركم المحتجزه ظلما وعدوانا ..
بخصوص ما جا في الشكوى من التظلمات اللي المت بكم واللي آلمتنا كما آلمتكم , يخصوصها نقول لكم كما قلنا لغيركم , نقول لا شكواك هي الأولى ولا هي الأخيره من الشكاوي اللي ترفع لنا كل يوم ويمطرنا بها الأعضاء مصبحين وممسين ويتظلمون فيها من المشرف العام نسأل الله لنا وله الهدايه والبعد عن الغوايه ..
واحد يشتكي من تزوير رد بأسم معرفه ما عمره عرف عنه شي , وثاني يصيح وثيابه شليح ويشتكي من وضع صوره مثيره تحت معرفه , وثالث يشتكي من التهديدات اللي تصله على الخاص من المشرف العام بتصفيته جسديا وقرب الوقت اللي يلقى فيه مصير ما يختلف عن مصير ابو عمار, ورابع يشتكي من عين راعيها ما ذكر الله جاته من ابو عبدالرحمن , وخامس وووو الخ ..
ألا المخاوي الخبيث فهذا العضو المدلل عرف من وين توكل الكتف وعرف أقصر الطرق لروما ودهن السيور بالزيوت وغيرها من شتى الدهانات .
والزبده ، أمهلوني أدرس المشكله واحط حلولها على نار هاديه , يعني منه الى نهاية شهر رمضان المبارك ويجي خير , وبعد العيد رايح أعين لكم مشرف عام آخر موديل يقدر يضبط لكم المنتدى ويضبطكم مضبوط , وأعتقد أن ابن ابي محمد والرويعي هم الأهل لثقة ابو نقشه وثقة اهل الحل والعقد, وهذا يؤهلهم لأحتلال راس قايمة المرشحين , وربما يجي بعدهم حليفنا الشيخ ابو سيفين اللي تكررت وتواطت عنده الرؤى في منامات كثيره بعضها في جيزان وبعضها في الرياض وبعضها وهو نايم في الطيارات خلال اسفاره الكثيره , وكلها تأولها بقرب الفرج وقرب تعينه في منصب المشرف العام بعد طرد ابو عبدالرحمن وما يترتب على الطرد من الحرمان من منقة قلب الثور كما حرم منها قبله بقبول حليفنا الشيخ ابن همام عجل الله اوبته...