[منقاش]

اسمع يا مخاوي يا راعي البل وراعي البلاوي : أنا نقلت سعالك لمفتينا (ساري الليل) وقال بلغ المخاوي يتقي الله في السر والعلن ويستقييم ويترك عنه السعسعه لعل الله يرحمه برحمته وينور بصايره وينجيه من فتنة الدجال ..
اما عن المهدي اللي سألت عنه فينصحك ساري الليل أنك تنثبر في بيتك وتاكل تبن وتنساه يالمره حتى تسمع بجيش الخسف , وأذا جاتك العلوم الوكاد عن جيش يخسف به وهو متوجه في طريقه من المدينه لمكه فما عليك الا المجي صوب ابو نقشه وتقابله في المكان اللي على خبرك بالحويه عند كبري ألأمير محمد (هذا أن كنت أنت واياه يومها من الحيين) حتى ياخذك ابو نقشه تبايع معه المهدي مع من يبايعه من أنجاب (ابطال)العراق وأبدال (عباد) الشام وبقية أهل الصلاح والفلاح واهل فسطاط الأيمان الخالص اللي لا نفاق فيه..
أما صاحبك الأعور الدجال فهو حي يرزق وموجود في ضيافة العم سام في منهاتن نيويورك يصدر في توجيهاته مره على مجلس الأمن ومره على الجمعيه العامه ومره على البنك الدولي ومره على البيت الأسود , واحيان يتمخطر ويعرج على تل أبيب حتى يضع اللمسات الأخيره على مشروع هدم الأقصى وبناء الهيكل , واحيان ثانيه ينقز له نقزه يم قم والنجف ومراقد الأئمه العظام حتى يتفقد الترتيبات النهائيه اللي تسبق خروجه .
وتراه يسلم عليك ويقول لك أبشر يبو حاتم بالفلوس والناموس والمنح والشرهات وفوقها أن كان لك شف وتحب المقلطه والوجاهه يبي ياخذك معه رديف على حماره في جولاته وتصبح واحد من كبار خوياه لأنك ملقوف وصاحب مواهب في الثرثره والنمك وحب الفشر والتفريش تأهلك لمثل هالوظيفه .
وان كنت زاهد في أخوته يبي يعينك نايب له على حايل واهل الشمال بشرط أنك ما تاخذك رحمه بأعداه وعلى راسهم بني تميم واصحاب الرايات السود ...
بس انتبه , وخذ في حسابك أن كل هذي البشبشه والنغنغه اللي محضرها لك شرطها أنك من بدري تنظم لفسطاط النفاق وتعادي المهدي واتباعه , وأذا وفيت بهالشرط موعده معك ومع كل الرجال اللي من شرواك حالما تسمعون أن المهدي وجيشه أستولوا على المدينه اللي زارها هالصيف الرحاله ابن عبدالعزيز وكتب لكم عنها في منتدى الرحلات (استانبول) ...
وقبل أنسى , تراه يقول لك من العايدين وينصحك أن كان عندك والا حواليك أرصده بالدولار والعملات الورقيه المرتبط به أنك تخلص منها وتحولها لراس مال ثابت مثل العماير والمصانع او لسبايك من الذهب والفضه لأن أوامره قد صدرت من فتره ماهي بالقصيره للعم سام بتجهيز المسرح لأنهيار الدولار وتفليس جميع المفلسين من أصحاب ألأرصده الدولاريه.