[سهيل2012]

بسم الله الرحمن الرحيم



(( علوم رجااال ))


هذه القصة رواها لي أحد الزملاء منذ زمن بعيد ولا أجزم بصحتها ولكنها قصة متداولة ..

يقول راويها :

رجلان أحدهما دوسري والآخر شمري تخاووا في الطريق إلى نجد بحيث أحضر الشمري المزودة

مليئة بالطعام .. ما عدا البصل !

وقال للدوسري : أنت جيب البصل ..

والدوسري يشتري كيس بصل بريال فقط !!

ومشوا في طرقتهم وفي منتصف المسافة الم بهم الجوع .. فطلب الدوسري من خويه الشمري

التوقف للراحة والطعام ولكن الشمري قد ضمر الشر لخويه الدوسري .. قال : قدام .. قدام ..

وبعد فترة طلب منه التوقف ..وأخذ يصبره ويسولف عليه حتى بلغ الجوع من الدوسري مبلغه !!

عندها أوقف الشمري ( الراحلة ) ونزلوا زادهم .. والدوسري مبسوط بالبصل .. طلع الشمري

المزوده .. وفردوا سفرتهم المتواضعه في ذلك الوقت .. فقال الشمري للدوسري :

يا ولد : كل واحد يأكل زاده اللي جابه !!

غضب الدوسري .. فقال : والله ماهي حقت الخوه في الطريق والرفقه !!

والشمري يبيها ( مزحة ) ولكنها انقلبت جد !

لم يتحمل الدوسري الجوع ومزحة خويه فبادر إلى كيس البصل ( العنصل ) وأخذ يأكل من حبات

البصل ودموعه تتساقط كوبل المطر !!

والشمري ياكل من زاده ويضحك من الدوسري ودموعه .. ويساله :

انت ليه تبكي ؟ جاك علوم ٍ من هيلك ( أهلك ) ؟؟ يعني أخبار شينه وتبكي منها !!!

كل ٍ أكل ما قسمه الله له .. وركبوا .. ولكن الدوسري نوى يردها لزميله وخويه الشمري ..

ولكن لم يظهر الزعل والغضب ... وأخذ يبادله السوالف والعلوم ..

وتابعوا سيرهم حتى منتصف الطريق تقريبا .. وجاهم الليل .. وشافوا من بعيد منازل وبيوت

ومضارب لأحد جماعة العربان .. وقرروا المبيت عندهم ..

ميلوا عليهم .. ورحبوا بهم وأحسنوا رفادتهم وعشوهم .. وعطوهم فراش ولحاف وقالوا : امرحوا

ونام الشمري .. لكن الدوسري ما جاه النوم .. يفكر ويهوجس كيف يرد الدين للشمري وحكاية

البصل ما زالت امام ناظريه ..

وشوي هداه شيطانه لفكره جهنميّة ما تخطر في بال أحد ..

الشمري ( أسمر ) شوي ومتعافي .. وجاته فكره يبيعه على معازيبهم بأبخس الاثمان كأنه عبد

وعلى أيامهم الملك فيصل ( رحمه الله ) ما أعتق العبيد بعد !!!

ويوم أصبحوا .. وهو ينسرق ما حس به الشمري .. ويروح للمعزب ويشكره على كرم الضيافه

ويعرض عليه الشمري .. قال هذا العبد أبي أبيعه .. مليت منه .. تشترونه ؟

قال معزبهم : بكم تبيعه ؟

قال : بريال !!

( قيمة كيس البصل ) !!

المهم سووا المبايعه وقعها الدوسري .. وقال ترى العبد شرووود .. ربطوه بالسلاسل ..

وسرح الدوسري ما أحد حس فيه ..

أما الشمري يوم قام من نومه والسلاسل في رجلينه !!

والحب والرحى عند رأسه !

ويقوم يصيح ويتعفرت .. ويعلمونه بالسالفة .. قال : هيييييييييييه سواها الدوسري !!

بكم اشتراني عساها أغلى الثمن ؟؟

قالوا : باعك برياااااااااال !!!


قال : هيييييييه قيمة كيس البصل !!

وبعد شهر .. راح الدوسري خبر هله بالقصة .. وافتدوووه بمبلغ من المال وعاد إلى أهله ..

والله أعلم .

* حكيت لكم السالفة كما سمعتها من أحد الرواة .. وعلى استعداد لتقبل الراي الآخر إن وجد

والتصحيح .. إن كان هناك بعض الخطأ في رواية القصة .


أخوكم / سهيل ..