[سهيل2012]

بسم الله الرحمن الرحيم

إخواني أعضاء المنتدى / السلام عليكم ورحمة الله وبركاته ، وكل عام وأنتم بخير ..
ويسرنا أن نستأنف معكم موضوع : فنجال وعلوم رجال .. وها السالفة الطريفة :

* واحد يقول عزمنا واحد من اخويانا في منطقه بعيده من المنطقه الي ساكنين فيها .المهم يقول رحنا للرجال في ديرته وجينا الرجال انا وخوياي اثنين وقلطنا في مجلسه ولقينا ابوه شايب كبير ورحبنا وتخصصنا عن ربعنا وسالنا منين انتم .المهم يقول ما انكرنا عليه بشي ..المهم خوينا راح عنا والشايب جالس معنا على مشب النار ويزين في القهوه ويصبنا ..فجأة قام يسولفلنا عن الحروب القديمه ويقول انتم ما دريتو وش الي صار البارح عندنا ..قلنا لا والله ما عندنا خبر ..قال الفلاينه هجمو على الفلاينه وذبحو منهم 50 نفر وقامو الفلاينه وراحو لهم وذبحو منهم واجد ..يقول انا وخويي مر كزين معه ومصدقينه لانه شايب وما اضنه كذوب ..يقول فجاه الورعان اثرهم يلعبون كوره برا ويرمون الكوره فوق الطاقه وتصقع هاك الصقعه الي خلتنا نفز ونتقافز ...الا والشايب يوم صاح القوم جوكم هجووووو وشايبنا يوم قام مسرع وشرد من المجلس ..يقول وحنا وراه شاردين ..الا وخوينا جاينا برا في الحوش حق البيت وشفيكم ياشباب عسا ما شر ..قلنا هذا وما صار علينا وبوك شرد ..قال ارجعو الله يصلحكم الشايب مخرف له اربع سنين وأنتم مصدقين ان فيه قوم في هالوقت !!

م / ن