salam:
لقَّطت من مخزون فكري تناتيف= وجمّـَـعتها لين اطلعت لي قـصـيدة
ثم قمت أزيِّنها على البال والكيف=لـيـن أوصلت في حد بالـي فريدة
ماني بشاعر بس تجيني تصانيف=وانحت من صخور الجبال العنيدة
وأبحر بتفكيري بدون المجاديــف=وارجــع من الرحلة بجملة مــفيدة
ووقِّف الفكرة على البيت توقـيف=وأدرِّج الـمـقـصـد بـفـكـرة جـديدة
لأني ثمالي من هل العـلم والسيف=أهــل الـعـلـوم الأولــــة والأكـيدة
حــنـا ثمالة دايـمـاً نكــرم الضيـف=رجــال ما نـقـبـل عـلـوم الـنـقـيـدة
قـوم لـنــا هـيـبـة فـبعض المواقيف=قــدوة صـلاح الـديـن وأبـو عـبيدة
كل الثمان رجال وبـدون تـزيـيــف =هـم مـثل الأخوان لا جات الوقـيدة
الكل يبى يفـزع والمذهـب نظيـف=والـلـه يـكـافـيـنـا شـرور الشــديدة
وصلاة ربـي عد الأزهار فالريف=عـلى مـحمد صاحب أفضل عقيدة
[/poem]
تركيب شعري ممتاز فقط لي ملاحظتين
استبدل ثمان رجال بكلمة ثمان خماس ثم عجز البيت محتاج الى صياغة جديدة للوزن
الكل يبي يفزع والمذهب نظيف محتاج صياغة للوزن
كلمة يبي حاول تنساها من قاموسك الشعري
كلمة بعض الافضل استخدم كلمة فكل
في النهاية اهني المنتدى بشاعر له مستقبل كبير ولا ابالغ لو قلت جدا جدا