[منقاش]

الحمد لله على سلامتك يبو عبد الرحمن , وقد كتب لك حياه جديده , ووجب عليك صدقه كبيره , وتوب عن غيرها ..
أنا قبلك يبو عبدالرحمن أخذني رويعي الغنم لنفس المكان بحيل مثل اللي سواها معك , وبعد وصلنا المكان اللي في الصوره يمشي الجهاز عليه شالني سما وطرحني في ألأرض وأظهر سكين يبي يذكيني .
أرسلت يديه على محاشمه واشد عليها بقوتي حتى أغمي عليه وطاحت السكين من يده ,, ويوم دريت وهاك الجاني العظيم (يشبه في الصوره ابن داخل) اللي بطول برج العبيكان يخرج من تحت الرمال ومن بين الصخور يصيح ويقول: شبيك لبيك يا منقاش ,,, خذ الشفرة بيمينك وامسك حلق الرجال بيسارك ,وترى ما بينك وبين كنوز الدهر من الذهب والفضه وملك لا يبلى ألا أن تفديها بذكاة هالمودماني الهتيمي اللي جنبك بين الحياه والموت ,, دمه هو ثمنها , أقدم ولا تردد واحلش الرجال اللي بغى يحلشك ,وهذي فرصه جاتك الى حدك ويمكن ما عاد تكرر , والحياه فرص من ضيعها ما زاد لقيها..
كنت أحط طرف ثوبي في فمي واعطي الريح سيقاني واشرد كما الغزال اللي تجوز غزاله ...
بالمختصر : الرجال كان يبي يذبحني للشياطين حتى تسمح له ياخذ الكنز ,,, عرفت يبو عبدالرحمن , وعرفتم أنتم يخوان حتى تنتبهون لنفيساتكم بعدين ...