[حسن عابد]

[poem="font="Traditional Arabic,5,white,bold,normal" bkcolor="transparent" bkimage="images/backgrounds/63.gif" border="groove,5,gray" type=2 line=0 align=center use=ex num="0,black""]ياليل وش عذر السعي لإجتهـادي=والوقت صادق في مواعيد كـذاب

أسري بعذري والضيـاع إمتـدادي=ويشيلني مخلب زماني على نـاب

ياليل كـم دوّرت غايـة مـرادي=وأنته يطل بصفحتك نجم وشهـاب

ياليل أنا فارس طرحنـي جـوادي=كبوة جواد وشارب الحب ماتـاب

أسـوق للحلـم البعيـد إعتقـادي=ويعود به من قاسي الوقت نهّـاب

ياسيّدي غرد على الغصن شـادي=وذكّرني اللي ماتناستـه الأسبـاب

مابين غيـمٍ يغِـرِق رضـاه وادي=وبرقٍ فتح له في عيون الرجا باب

آمـال وأحـلام وغـرام ومبـادي=مرسولها ياطيـر ودّى ولا جـاب

ناديت واسأل عن صدى من ينادي=ويرجع صداه بوحشة جبال وشعاب

مرّت سنين وصادق الحلم غـادي=وأنا على رجواي خايف ومرتـاب

الهـم شربـي والتبـاريـح زادي=والحظ يرمي له زمانين ماصـاب

من يومهاعايش بسجن إنفـرادي=أجمع شتاتي وأنثر أبياتي أحبـاب

وآخذ وألوّن من بياضي سـوادي=والليل زيّن صفحته نجم وشهـاب[/poem][/quote]

اجمل تعليق هو نسخ القصيدة