[منقاش]

وجيه الرفاقه , ابن سلمان , ما عندكم أحد ,ابن عزاب , راعي السواني , ابو عبدالرحمن , أبو عادل , ابو نايف , النتيف : البيض تغشاكم وانتم مشكورين وبكل خير مذكورين على ردودكم , ولا شكر لأبو أمجد وابو هاشم وابو تركي ورويعي الغنم ..
رفيقي ما عندكم أحد : ترى الشيبه منقاش يودك ويحترمك ويبغيك تمزح معه دايم , ومشكور على سعة صدرك وصفحك عن رفيقك راعي السواني وهذي عادة الكبار في قلوبهم وعقولهم وكما قال ابو نايف كل واحد يصلح سيارته ..
رفيقي ابن سلمان وراعي السواني : أشكركم على حبكم لولد عمكم منقاش وتروني كذلك أحبكم ..
رفيقي ابو عبد الرحمن : المبرد من يوم خطفوه الصهاينه وزوجوه على الزنجيه أختفت أخباره ,, واللي يرد عليكم ويكتب لكم مبرد مزور من الصهيونيه للتمويه ..
رفيقي أبو نا يف : ألأحلام غلقت والمعبر يبي يفهمني خفايا زماني ويبي يقلي ويش تحتك يا حجر واعلم لكم بها بعدين..
رفيقي : أبو عادل : وانت سالم وغانم , لكن خذ في حسابك سب الرجال ولا تسب حماره , وبعدين وراك دايم تهزا بحماري وحاط نقرك في نقره ,, لكن ان كنت أبو نقشه بحق وحقيق لخلي الصهيونيه يخطفونك كما يوم خطفوا المبرد ويسلمونك للزنجيه تطحن الحب اللي في راسك بعد ما أنطحن حتى تكب عنك التمعكات ..
رفيقي النتيف : يبن أختي خلك متابع لعلوم خالك منقاش والزهود اللي تبي تلقاه من بني صهيون ..