[منقاش]

منقاش المتصهين/ الحلقة ألتاسعه منقاش المتصهين/ الحلقة ألتاسعه منقاش المتصهين/ الحلقة ألتاسعه منقاش المتصهين/ الحلقة ألتاسعه منقاش المتصهين/ الحلقة ألتاسعه

الترس اللي راح تذكرون الشيخ منكاش يوم قفلت معه من ثرثرة ديفد ووقف يزبد كما البعير أذا هدر وطلعت لهوانته , وقال : يا ولد صومئيل أنا عندك مسجل والا كنفيوتر ,,, يا شيخ خاف الله قفاك ووقف التروس .. ويبدو والله ألعالم أن ديفد خاف مني وعود يوقف تروس الخصخصه هاك اليوم ..
النهار الثاني سرحت بعد خليت حماري ورايه مقرش في قراش سكني , والسبب أني خفت من ابن الحرام ديفد يتعلل بالحمار ويقلبها ملعنه وقلة خاتمه ويسلمني للساحره الزنجيه اللي تهددني بها في الدرس اللي راح ,, خلاصتها , دخل ديفد الفصل ويوم شافني لوحدي كلمني بالمكرفون من سد القزاز وقال : وين خويك يا منقاش ؟؟, رديت عليه : أصبح اليوم مكسمل ولا هو شكره وقلت يرتاح حتى بكره ,, رد عليه وقال : لالالا , نرسل مندوبين يجيبونه جنبك ويحضر الدرس معك ,, وكما قال الخبيث ,, حالا جابوه وربطوه جنبي في الفصل ..
ثم أبتدا ديفد الشرح وقال : هاه يا منقاش ؟؟ أن كان عندك سعالات على الترس اللي راح هاتها .. كنت أتنحنح واسعل سعال مصخره واقول : يا رفيقي وراكم ما تخصخصون عسكران الشرطه وعسكران الجيش وتنتفون ريش الحكومات؟؟, ولعلمك تراني بديت أخرص في بعض علومك اللي كنها ما تنبلع , وكما قال الاولين في ألأمثال أذا كان المتحدث كذوب أقلها المستمع يكون لبيب ...
كان ديفد يضحك ضحكة مليانه تهكم ويرد عليه ويقول : اللي سعلت عنه يا يبو نوم بدينا في خصخصته من سنين , وتبي تسمع أن طال عمرك عن دول وهي تعاقد مع شركاتنا وتصبح شرطتها ومرطتها وجيشها كلها مخصخصه ,, وفي أيامك هذي شركاتنا مستلمه سجون وتنفيذ أحكام وتحريات وتحقيقات وتجسس وبيع معلومات في أمريكا وبعض الدول الاوربيه , والتغير يحصل بالتدريج ولا يجي دفعه واحده ..
أما خصخصت الجيوش يالرقود فخذ مثال عنها من جنب أذانيك اللي مهطبل بها مثل أذاني خويك في الفصل , والمثال هو حرب تحرير أرض العراق اللي يقاتل لنا فيها يومك هذا فوق ميه وعشرين الف مقاتل مرتزق تابعين لشركاتنا حيهم يرجع جيوبه مليانه دراهم وميتهم ما عنه مخبر ولا يجي له ذكر ولا يحسب مع أعداد قتلى وجرحى القوات الأمريكيه اللي كان عددها في العراق ميه واربعين الف مقاتل ...
كل المرتزقه جندتهم ودربتهم شركاتهم وبعضهم يحمل جوازات سفر تابعه لدولة فرسان مالطه المسيحيه الصهيونيه ويدينون لها بالولاء ,, يعني وضعهم وغرظهم (المرتزقه) كما تقولون عندكم حج وبيع مسابح ,, يقاتلون للماده ويقاتلون لنصرة الصليب واستعادة الأراضي المقدسه اللي سلبها صلاح الدين وتسليمها لشعب الله المختار والمساهمه في أعادة بناء الهيكل حتى يظهر المسيح المخلص ..
وان كنت يا منقاش ما تعرف هالدوله أقول لك صح النوم ,, وافهمك أنها دوله صهيونيه مسيحيه ,, واقول لك أرجع لتعريف الصهيونيه والصهاينه اللي أخذته في دروس سابقه (الحلقه الرابعه) واللي فهمتك فيها خطيبتك الصهيونيه وقالت لك أن الصهاينه المسيحيين يزيدون على مية مليون نصفهم في أمريكا ..
يا منقاش , دولة فرسان مالطه صنعتها الماسونية اليهوديه ويجهزون فيها من أزمنه طويله حتى يكون أتباعها شوكة الحروب الصليبيه المقبله اللي ما تنحسم الا في شمال فلسطين في معركة هرمجدون بين المسلمين من جهه والصهاينه وانصارهم من الجهه الثانيه ,, المعركه اللي يدعي المسلمين ان قيادتها تبي تكون في دمشق ويزعمون أنهم رايحين ينتصرون فيها بعد نهاجمهم تحت ثمانين غايه (علم) كل غايه تحتها اثنعشر الف (12000) , يعني قوات تقارب المليون(80×12000=960000) مقاتل ,,, هذي الدوله مقرها اليوم في روما ولها رئيس منتخب ومحاكم خاصه وسفارات في ستين دوله تقريبا منها أربع دول مسلمه وهي تشاد اللي أنت اليوم على أراضيها ندرس فيك والمغرب والأردن ومصر الكنانه اللي أعترفت بها ولها فيها سفاره من عام 1980م ...
يا منقاش , هذي الدوله واحد من أتباعها وجهناه ودعمناه حتى اسس بأموالنا شركه تابعه لنا أسمها المياه السوداء ألأمريكيه (بلاك وتر يو أس أ) مقرها في أمريكا وعندها جيش أقوى من جيوش كثير من الدول وتمتلك أسناد أداري وطيران وصواريخ بالستيه وبحريه وقوات بريه من مظلات الى مدرعات وغيرها من كل فروع ألأسلحه البريه ,,, هذي الشركه شاركت في حرب العراق بأكثر من ثمانين الف جندي , وبالتحديد هي اللي سحل المقاومين العراقين بعض أتباعها في الفلوجه وصلبوهم ,, وهي اللي أنتقمت ودمرت المدينه بأسلحه بعضها محظور دوليا وخطرها مدمر حتى على ألأجيال اللي ما أنولدت من العراقين , وكانت تعطي المقاتلين اللي دخلوا المواجهات المباشره في داخل الفلوجه مبالغ كبيره تصل لثلاثة آلاف دولار في اليوم الواحد , وهذا المبلغ ما هو مهم مهما كبر لأن التمويل ندفعه على حساب العراقين من أموال أعمار العراق وأذا حصل عجز ندفعه على حساب المغفلين ألأمريكان اللي يسمونهم دافعين الضرائب , واذا حصل عجز تقوم ألجهه المتحكمه في طبع عملة الدولار وهي القيادة اليهودية للماسونيه والصهيونيه العالميه بطبع بلاين الدولارات وتنفق منها ,, يعني الشغله كلها ضغطة زر برنت وتطلع دولارات ,,, والدولار كما أنت عارف ماهو مطلوب له غطاء من الذهب والا غيره مثل ما هو مطلوب لباقي عملات الدول ,,, وخذ في بالك أن اليورو وليد الدولار وعلى شاكلته ,,, يعني بيدنا شيك مفتوح ننفق منه متى ما بغينا على مشاريعنا واللي ما يعجبه يدق براسه في الحده والا يشرب من البحر الميت ..
قاطعت ديفد وقلت : والله قد حبكتوها يا ولد صومئيل ,, واثر الهوش دخل أولها الحوش والباقي في الطريق تدربي في روسها ,, بس باقي عندي سعال واحد بعد تجاوبني عليه فكني من باقي هدرتك , تراك وصلتها عندي مرابط الحمير ,,,, والسعال هو : كيف أفرق بين الصهاينه اليهود والصهاينه المسيحين ,, وكيف أنتم ياليهود الصهاينه قدرتم تحبكونها وعيال عمكم العرب ما يقدرون يربطون عنز ؟؟؟..
رد عليه وقال : الصهاينه المسيحين نسبتهم تقترب من أربعه وتسعين في الميه من الصهاينه لكن تراهم ما عندك أحد ,, يعني الصهيونيه اليهوديه اللي هي ألأقليه هي القياده والرياده والموجهه وهي اللي صنعتهم وسوت لهم عقيدتهم ,,,والصهاينه اليهود يخططون حتى يمتلكون كل ثروات العالم ويستعبدون البشر بما فيهم المسيحين الصهاينه بالديون وفوايدها الربويه ,, ويخططون يحكمون كل العالم من عاصمتهم في أورشليم القدس بحكومه ملكيه ملكها من نسل داود وهو المخلص اللي ما يبي يظهر الا بعد بناء الهيكل وذبح القرابين,,, يعني يبو العوينتين , الصهاينه المسيحين حاطينهم قضيان غرض مثل حمارك اللي تكد عليه ولا لهم بعدين حظ في ملك ولا ثروه..
أما سعالك كيف حبكناها وربعك العرب ما يربطون عنز؟؟ , فالجواب بسيط , نحنا ياليهود نخطط بمعرفه وخبره وننضبط مع الخطه ونطيع زعمانا ونتعاون بيننا في كل ركن من أركان الأرض والقوي منا يحمل الضعيف ,,, أما أنتم يالعرب ما تخططون ولا تقرون واذا قريتم ما تستوعبون ,,, واكبر منها كلها أنكم أنانين ومتفرقين وخونه لبعضكم ولا يجمعكم الا العصى ,, وكلامي هذا ما ينطبق على المسلمين منكم يالعرب اللي متمسكين بدينهم بحق وحقيق لأن ألأسلام يهذبكم كما هذب غيركم ومن كان قبلكم ويردكم قادة وسادة العالم ,, وخذ مثال صغير وبسيط ومحلي : لو قال عقالكم لربعك الخاصين ثماله : يا جماعه أدعوا الله يجمع شملكم وعيدوا العيد مع بعضكم , وفقيركم معفي من الفرقه معكم ومدعي في أولكم عسى جمعكم يقرب فيما بينكم حتى ما تنقطع صلاتكم وتعارفون فيما بينكم بعد تفرقتم واصبحتم شتات في كل المدن , وعساها تكون فرصه تقدر فيها ألأمهات بعد التعارف تجوز عيالها من ربعها بدل الجواز من ألأبعدين , وعسى القلوب يمتن تواصلها والعلاقات تقوى أواصرها..
النتيجه أن قليلكم يبي يسمع ويقبل مطيع , وكثيركم يبي يدبر ويركب راسه , مع ان عقالكم ما نصحوكم ألا بشي في مقدوركم ويبي يحيكم وينفعكم ولا يضركم ,, وقيس على هذا المثل غيره مثل لو طلبت منكم أدارة موقعكم على الشبكه التكرونيه دعمها بمبلغ زهيد في السنه عن كل واحد فيكم ,, النتيجه : ما عندك أحد ,, خذ هرج ومرج وتبي تسمع جعجعه ولا تلقى طحين , هذا والطلب طفسه ووراه نفعه ,,, واذا كان هذا حال بعضهم في صغارها كيف لو ربعكم يطلبون منكم وقفه في كبار المعاني ,,, يعني أنتم ياعرب بدون دينكم ما ينحطب لكم ولا ينسقي ..
أنتهى كلام ديفد وعقبت عليه بكلمه قلت فيها : أخشى يا ديفد أن العرب أن ربطوا الحبل من طرف يبي يكون الطرف الثاني مافيه عنز , وتكون قد شردت من بدري وهم يحسبون أنهم جودوها ...
والى عند علوم ديفد عن الحطب والسقايه اللي كانت قبل عصر الغاز تسبق شبوب النار وحمس المقهاه ورنين الهوند ولا يعقبها الا واجب الضيف ودسم الشارب وسلوة الخاطر نتوقف ,, وخلوكم معي ودوروا لي عن أبو أمجد ,, الرجال ما عقب على الحلقه اللي راحت وطالت عليه غيبته وانا مدمن على ملاكشته وصابر على صهينته ولا أقدر على جفوته ,,, وسلامتكم ....