[منقاش]

نحن الشيخ الشريف منقاش حفظه الله
المبرد , أبو أمجد , أبو تركي , ابن وافي :
السلام عليكم ورحمة الله وبركاته
الاوله أشكر اللي أنتخبوني شيخ للكنفيوتر حق ثماله ,, والثانيه الله لا يشتكر للي ما أنتخبوني وانا رايح أسير مشرف عام غصبا عنكم , وبعد :
أنتم تعرفون ومثلكم سيد العارفين أنكم ما حطيتوني بدال أبو عبدالرحمن وانتم بدون عقولكم ,,, لالا , سلامتكم ,, أنتم ما انتم مجانين ولا أنتم حشاشين ,, أنتم يم حطيتوني بعقولكم وعقول نسوانكم , وتبوني أصلح لكم الكنفيوتر حتى يضحك على كنفيوترات كل القبايل الثانيه , وحطيتوني أنتم ما هو أنا اللي حطيت نفسي ,, ولا تحسبون حطتكم لي زي حطيطكم للبرشومي ,, لا ,, أنتم حطيتوني وانتم توقشون كما يوم تحطون خصل العنب والا تحطون الكرنب .
وبعد حطتكم لي أبغي أحط منكم كم واحد أخليهم محطوطين والا منحطين يعاونوني ,,, ورايح اتقلع ناس من الشرافه واغرس بدالهم ناس ثانين ..
أبو تركي ألله لا يهينه ينقل من العام وينحط مستشار للمستشار العاشر عشر لمستشاري المشرف على المنتدى العام ,, وابو عبد الرحمن يترقى ثلاث تكات وينحط معاون لمستشار المعاون الخامس عشر لنايبي حق الشبكات العنكبوتيه ,, وابو نايف يحال للتقاعد ويعين مساعد لنا في بغداد حتى يتبغدد علينا من هناك ويتعرف على مثلث الموت ويساعده في هالمهمه ولد أم محمد .
وابو أمجد يترقى وينحط قهوجي في مكتبي واذا غاب ينوب عنه عريسنا ابن عزاب , وابو هاشم يتعين مغسل فناجيل ..
وابو عادل يتعين خوي يوسع خواطرنا نحن الشيخ منقاش بكم بيت شعر والا يهك علينا ببعض سوالفه ,, وخلف عبدالعزيز ينحط بواب , والرمه رويعي الغنم فراش يعني كناس , وابن داخل سواق طلبات للمساعدين ولا فيه مانع أنه ينوب عن أبو عادل أذا غاب ,, وما عندكم أحد سباك , وابن وافي نماك .
وتعين زهور أن كان ما قفصها عزرائيل وريح البلاد والعباد منها مشرفه على منتديات الشعراء والأدباء الثملان( حتى لا يقولون الصهاينه أن المره مهضومه عندنا) , ويعين أبن سلمان مساعد للمساعد الخامس والخمسين لها ,, أما الشعراء الأعضا اللي ماهم ثملان فهم مشرفين على أنفسهم ولا لأحد شرافه عليهم مكرمين معززين ..
ويعين المشتاق مسعول 24 ساعه عن حماري يضرمه ويروشه وياخذ بخاطره .. ويعين بنك المعلومات مشرف عام على المشتاق ,, ويعين العمده على وظيفة حلب الحمار ويعين ابن عواض مساعد له ..
أما النتيف .... ,, وحسن عابد يعين على تقديم الدعوات لأجتماعاتنا لأنه أثبت في الدعوه الأخيره أنه خير من يفركش الدعوات ..
وراعي السواني يتعين سجان ,, والشيخ ألأقشر مساعد لنا ينوب عنا في حالة نومنا أوالنهار اللي نكون متعكنين فيه والا ما لنا جدى نشتغل ,, أما أبو الخير فيطرد شر طرده وان عاد شفته يعرج على المنتدى لكسر كراعه واخليه ما عاد يشوف خير ...