[بيقبن بن فنحاص]

قصيدة القصــاص قصيدة القصــاص قصيدة القصــاص قصيدة القصــاص قصيدة القصــاص

منقوووووووووووووول
.............................
للشــاعر : جزا البقمي


القصيدة محزنة ومعبرة وقصتها أيضا محزنة ومعبرة

بداية القصة شخص يقال له سلطان بن رباح له صديق يقال له محمد بن عقيل كانت جامعتهم اخوة الدنيا من يومهم صغــار إلين كبروا على عـز ومعزة كبروا وتزوج سلطان وجاله ولد وسماه محمد على خويه محمد بن عقيل من زوود مايغليه
وكانوا يحبون المقانيص ويحبون الصيد فأطلعوا مرة إثنين مامعهم ثالث وبعد صلاة الظهر محمد يسوي الغدا وسلطان ينظف الســلاح وكان فيه طلقة مادرى عنها سلطان بالمخزن ضغط الزناد وثارت البندقيه ومات خويه وبعدها شال خويه وسلم نفسه للسلطات وبدت المشاكل تتوافد على أهل محمد إنهم يتنازلون عن سلطان ووصلت الدية لعشرة مليون المشكلة ولا رضوا إلا رأس برأس وصدر الحكم على سلطان وقصوا سلطان والمصادفة في ألامر إن قبر سلطان صار جمب قبر محمد فصاروا أصحاب بالدنيا جيران بالقبور
والقصيدة تقول :
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يافلاح الهم خيم فوق قلبي يافلاح = كيف تبغاني أسولف وأنت خابرني عليل

وش قولك في عليل في حياته مااستراح = تنتثر دمعة عيونه لأظلم الليل الطويل

حالة لاماتباعد حال سلطان الربـاح =بالخطأ راحت حياته والخطأ ماله مثيل

كان ويا صاحبه إثنين في أرضُ بــراح=يطردون الصيد دايم من الصبح إلى المقيل

اجمعتهم صحبة الدنيا على جد ومـــزاح = مايهابون الليالي والحمول اللي تميـل

ماقتل عــامد ولكن ثور إبلــيس الســـلاح =بالخطأ ثار السلاح وين يلقى له دليل

وانعقد سجنه وربعه تنتظر فك الســراح = والاكيد إنه سجين ومارضوا ربع القتيل

هل دمعه يوم صلى ركعتينٌ فالصــبـــاح =في نهار الجمعة اللي من ثقيل في ثقيل

هلل وكبر ونفسه تذكر اللي راح راح = كان في ربعه عـزيز وذله الوقت الذليل

لامحمد لاتهـاني لاسعود و لا صـــلاح =كلهم كانوا على باله وهمه في هديل

طفلةٌ ماكملت العامين صايبها كســاح =وإنتثر دمعه وحاله من سبايبها نحيل

حان تنفيذ القصاص وغطوا الرأس بوشاح =وجاك سيافه يشيل السيف ابو حدُ صقيل

إرتخى رأسه وزاد الموقف الحامي صيـاح =بين نوح وبين دمع وبين صيحات وعويل

وارتفع صوت الحشود وزاده محمد وصـاح = يايبه تكفى دخيلك تستمع صوت الدخيل

يايبه شلون نصبر كيف نرجع بإرتياح =وأنت من دنيا عيالك مأخذك مر الرحيل

يامحمد هاك علمي واحفظه قبل المراح =انتبه لأخوانك وبالك عليهم لاتعيل

والله الله فالصلاة وفالصيام وفالصلاح =والله الله بأمكم والله لكم بعدي وكيل

غمض عيونه ونفسه تطلب الله السمـــاح = رافعٌ سبابته مظلوم والله الوكيل

وسل سياف الصفى سيفه وطقه ثم طـــاح = رأس سلطان المراجل وانتثر دمه يسيل

غسلوه وكفنوه وفاح طيب السدر فاح = وبالمصـادف صار قبره جمب قبر إبن العقيل

يافلاح الكارثة ماهي سوالف يافلاح = خلني ســاكت ودور غير هالقصة بديل[/POEM]