محاورة نادر مثلها محاورة نادر مثلها محاورة نادر مثلها محاورة نادر مثلها محاورة نادر مثلها
محاورة نادر مثلها بين الشاعر الكبير الزلامي والشاعر المماثل محمد السناني
وكم انا حقيقه معجب بهذا الشاعر السناني الا انني اذا وجدت له شيء من محاوراته اتسلى بقرأتها او سماعها لما فيها من جزاله وقوة شاعريه تكاد ان تفوق كبار شعراء المحاورة .
وصاحب البدع هو السناني واتركم مع المحاورة عسى ان تنال اعجابكم
السنانـي
هل الطايف عرب منهم تسلسل يوسف الحجاج
نشرله في بلاد الرافديـن ابيـات مشهـوره
رشيد الله يبـارك فيـه ماحصلهـا مخـراج
وصاحبنا دخيل مافـرق بالاصـل والصـوره
الزلامـي
طردنا يوسف الحجاج وانته تبغـي المنهـاج
بعد ساعه يبي يضحك عليك مشجع الكـوره
تعبنا يالسناني مـا لقينـا للمريـض عـلاج
اثر بعض المرض يتعب دمرجيـه ودكتـوره
السنانـي
ترى التاريخ فيه اثبات ماهو هرجة الهـراج
وأضنك ما دخلته غير بعد عيال اخـو نـوره
منول يالزلامي في يداك الوضع مـا يحتـاج
وهالحينه وراك تدور مستشفـى وشرشـوره
الزلامـي
ترى التاريخ واضح في زمان الفتح والمعراج
أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج
عجز يقنعكم الشيخ الكبير ومجلـس الشـوره
السنانـي
كفو ياصحابنا قـدام ذاك الخـط مـا ينعـاج
وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج
لكن شوري عليك تخلي الاوضـاع مستـوره
الزلامـي
عسى ربي يعز الشمعه اللي نورهـا وهـاج
ويعين اللي من البحر الحمر مدلك ماصـوره
مدام البر جاك من اليمـن والتمـر بالافـلاج
لا تطمع في هذيك الصره اللي عنك مصروره
السنانـي
نقول الله يديم اللي وجـوده فالليـال سـراج
يسدد عنك فاتـوره ويلغـي عنـك فاتـوره
تجمعتـوا ثـلاث ايـام فالطيـاره الميـراج
وكبتنها غشيـم ورحلتـه ماهـي بميسـوره
الزلامـي
على كلمتك هذي مستحقن نجمتيـن وتـاج
لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج
لكن انته حدى الركـاب والاحـوال مستـوره