[منقاش]

يا مراسلنا الحبيب سامحك الله , اي عنصريه تحدث عنها؟, والله اني ابغضها وابغض اهلها من صغري الى اليوم ولا ادري هو من انت حتى أتعنصر ضدك لو كنت (انا) والعياذ بالله من اهل العنصريه البغيضه كما توهمت؟..
هذا الكلام اكتبه لك يا الحبيب حتى اطيب به خاطرك انت وكل من يشك فيه بهالنقيصه اللي اسمها عنصريه , وتراك فاهمني خطا ورايح بتفكيرك في عالم وابو نقشه مبعد عنك في عوالم ثانيه...
يا مراسلنا الحبيب هذا المعرف (منقاش) يمثل شخصية فكاهيه عندها التواءات نفسيه نسليكم بها لبدوي صعلوك متخلف ومعوج من صعاليك وبدو ايام زمان (كما لو تقول من بني هلال اللي يزعمون ان الذر رمدهم بعد صلخوا البقره حيه) , من صعاليك البدو اللي انقرضوا مع غيرهم من العرب البايده (كما قال لكم الرويعي) ولا بقي لكم منهم اليوم شي يذكركم بهم الا شيين اثنين لا ثالث لها , ,اسماء الأمكنه (موضوع النقاش)اللي نبغيكم تلحقونها وتثبتونها على خرايط القوقل وهذا الصعلوك الوحيد راعي الحمار المكنى بأبو نقشه اللي اشوفك حاط نقرك بنقره ويظهر انك عزمت تقرضه على ما به من قرضه...
ويبدو أنك تبي تآخذ بالمثل القديم اللي يقول اذا ما بقي على الفقر الا قدح أكسره وتمنى تخلص من منقاش حتى ما يبقى لكم شي يذكركم بتاريخكم المجيد ...
والخلاصه : بلغ سلامي واعتذاري لأخونا اللي ذكرت أنه ترك المنتدى بسببي وانا ما ادري , وبلغه لأهلك واقاربك اللي تأثروا من كلامي ولو أعرفهم والله لروح الى على حدهم واعتذر منهم كبيرهم وصغيرهم واحد واحد لأن اللي توهموه مني ماهو صحيح ولا يطرا لي على بال, ويعز عليه ويؤسفني غاية الأسف اني اكون سبب في تكدير خطرهم ..
اما انت فهذا معذاري منك , وانا يا رجل ما ادري هو من انت حتى اتعنصر ضدك لا قدر الله , ولك عليه بعد اليوم اني آخذ حذري معك حتى لا اكدر لك خاطر ..
اما المشرفين فارجوك تتركهم لي لأن بيني وبينهم ما صنع الحداد واولهم مشرفنا العام اللي من يوم عينته مشرف عام ما عمره سوى الشغله اللي يعمده بها بدر الدجى الا بعد تهديده بالتنزيل من الشرافه وتعيين واحد محله (كما لو تقولون المخاوي مثلا)..