[سنا الهجرة]

( بَــرَاكِــينْ الخَيـَــالْ ) والحراك الراهن ( بَــرَاكِــينْ الخَيـَــالْ ) والحراك الراهن ( بَــرَاكِــينْ الخَيـَــالْ ) والحراك الراهن ( بَــرَاكِــينْ الخَيـَــالْ ) والحراك الراهن ( بَــرَاكِــينْ الخَيـَــالْ ) والحراك الراهن

بمناسبة الحراك اللي صاير هذي الايام .. وعلى سياق الحكمة اللي تقول ( رضا الناس غاية لا تدرك)
حبيت أقول هذي الكلمتين .. لعلها تلقى صدا بين الاعضاء وبالذات الشعراء وكل واحد يراجع نفسه ويحاسبها .. وانا واحد منكم ولاني بمعزل ولاني فوق الجميع .
والله يغفر لنا جيمع
وبالمناسبة أيضاً.. هذي القصيدة هي القصيدة المطبوعة على الغلاف الخلفي للديوان المطبوع والمرتقب بإذن الله ..
ومطلعها ( بَــرَاكِــينْ الخَيـَــالْ ) هو عنوان الديوان القادم إن شاء الله ؛ وربنا يسهل.

[poem="font="Simplified Arabic,5,black,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]

براكين الخيال ان سال منها في الزمن مثقال=نبت باطراف تربتها القصيد ومالت اغصانه
وعاش بضلها حرف الرضا والحرف يا ما شال=وراس المال مكيال الغلا والنفس ديَّانَه
الا يا عزوتي يا فزعتي يا صفوة العُقَّال=ملوك الحرف نحو وصرف في لفظه وبرهانه
نبيها يوم تبدي ترتقي لجيال عقب اجيال=إذا جا وقت في الميدان كلٍ مسرج حصانه
تجي في جيدها من سيدها يوم الفرح سلسال=تجي في كفها بحر القصيد العذب واوزانه
نبيها كايفه متنايفه عن كل قيل وقال=نبيها باسقه متناسقه حلوه وريانه
نبيها ملحمة تاريخ شعر وخلدوه ابطال=ماهي باللي حِدَا وقت الرَّدَا لقلوب طربانه
تسلون القصايد .. والمعاني مرهفه وثقال=وكل إنسان تعرف معدنه من طارف لسانه
وتقرا في صحيفة كل واحد وش كتب وش قال=لسان المرء في هذا الزمن يعطيك ميزانه
ولو ما جات بنت الفكر بين اقرانها تختال=تموت .. ولا يقولون العوارف مالها خانه

[/poem]

.