الله يردك يالقلوب المواليف الله يردك يالقلوب المواليف الله يردك يالقلوب المواليف الله يردك يالقلوب المواليف الله يردك يالقلوب المواليف
[grade="00008b Ff6347 008080 4b0082"]
بسم الله الرحمن الرحيم
السلام عليكم ورحمة الله وبركاته
تجربتي تبقى لي وحدي ولكن الذي يمكن ان ينتهي هو الحب او الكره
فلابد ان تنتهي يوما ما
اما بالمصالحة او المكاشفة او باختفاء احد اطرافها
وانا هنا في دوحة الحب ( واحة الشعر)
واتمنى ان تكون كذلك دائما
جلست وحدي تالي الليل بالسيف
جبت القلم وسيرت بالخط حرفي
كتبت نصي في جميل التواصيف
للي يسامرني وانا عنه مااغفي
الليل طرف والقمر مابعد شيف
والجو بارد وخاطري قال يكفي
(لاشك من يتبع مواريك يالريف
في ديرة مرباعها ما يدفي
الا بشب الضو وفنجال من كيف
وجو عليل من عنا النفس يشفي)
مابه مشاريه ولابه تكاليف
يانفس عن شرهتك بالله عفي
واليوم انا ببدي بروس المشاريف
واشوف من ضدي ومن هو بصفي
اما يبين العلم من دون تزييف
والا عن الموضوع بكف كفي
بانت علوم الصدق من دون تكليف
ياحيف ياخل على الدوم شفي
يالصاحب اللي مافتكرني ولاشيف
وشلون ابنسى وهو على البال يلفي
ون هو نساني وصرت في ناظره طيف
امر من عينه ونونه مطفي
امسيت في باله كما مزنة الصيف
ياسرع ماتبدي وفجأه تقفي
ياحيف ياقلوب المقفين ياحيف
اللي صداها الوقت ولاعاد تصفي
واليوم انا في دار من يكرم الضيف
ربع كرام وان تعديت تعفي
في منتدى يزهاه ربع بتشريف
على الوفا والطيب والحب تلفي
معهم لقينا الود يتلى المعاريف
وتلقى حلال الجود والخير مضفي
الله يردك يالقلوب المواليف
واشوف وش يرضيك لو كان حتفي
وسلامتكم
مع تحيات محبكم النجم
[/grade]