[الذيب]

ايه ابدوي وابن ابدوي راعي لزوم (ترحيب بأبو فهد ) ايه ابدوي وابن ابدوي راعي لزوم (ترحيب بأبو فهد ) ايه ابدوي وابن ابدوي راعي لزوم (ترحيب بأبو فهد ) ايه ابدوي وابن ابدوي راعي لزوم (ترحيب بأبو فهد ) ايه ابدوي وابن ابدوي راعي لزوم (ترحيب بأبو فهد )

بسم الله الرحمن الرحيم
لا أدري كيف تسابقت الكلمات في استقبال الشاعر عيضه بن مساعد ابوفهد فعند مشاهدتي لمشاركته الأولى في هذا الصرح بقصيده كبداية استنهضت الوقوف فلم اجد اجمل من الترحيب بقصيدة اتمنى ان تبلغ قامته الشعريه أحاول أن اصافح جميله الذي لا ينسى في وقفاته مع ابناء عمومته

[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ابو فهد جيتك وأنا شايل علوم = في كف خاتمها معاريف يمناك
كفٍ بدت لمصافحك بأول اليوم = بأحلى قصيده ماتفكك لممساك
بتصافحك جزله إلى حزة النوم = كم لي وكفي ترتجف لك تمناك
يا ابو فهد مدح الكثيرين مذموم = إلا على ممدوح مثلك وشرواك
فزّاع تزمع فالزعازيع زيزوم = زعّام و زلالك من العز مجزاك
شملول شاهينٍ عن الخشره تشوم = شهمٍ شجاع ومن شكى شاف بشراك
شعر المدايح دايم يطيح ويقوم = إلا عليك يطيح وإن قام ينصاك
كم شاعرٍ باع الشعر مرخص السوم= مدح المصالح ما يثمنك حاشاك
مثل السحاب أليا غدا بالسما كوم = وجهك فرج واللي به القحط يرجاك
مثل النفوس الصافيه حزة الصوم = ماتجرح صيامك ليا شخص عاداك
تعزم لو انك جيت ياصاح معزوم = انته تبنّيت الكرم ما تبناك
شوف الكرم في برك اليوم ملزوم = وذكرك أثر يا ابو فهد يتبع خطاك
شاعر تضم القاف لا صار مكلوم = بين العروض تدور عساس شفناك
شعرك يعلم مصنك القاف بالثوم = يعطيه درسٍ كيف تسويكة الراك
شعرك تراه المصطلح فيه مفهوم = مفهومه بحورٍ و صياد و أسماك
وأنّك عليه من حزامي لك عزوم = ترضخ لها الحيتان لو هي تحداك
أيه ابدوي وابن ابدوي راعي لزوم = مرحوم من جابك و خلّف و رباك
جيتك شعر صاغر ولاني بمليوم = يحرم عليّ اني اجي وأتعداك
ماجيت قصاص الأثر اعرفك دوم = يبقى على وجه الغلط قاع ممشاك
[/poem]