[عيضه بن مساعد_البدوي]

موجز موجز موجز موجز موجز

[poem="type=1 color=#000000 font="bold large arial, helvetica, sans-serif""]الله خلق آدم و آدم من الطين=والله خلق إبليس من صلب نارا

متفقدين الهرج وحده وثنتين=والثالثة تصدر بحكم القرارا

كنتوا وكنا على ساقة حسين=و اقفى حسين وكل ماكان طارا

يامكثرين المدح وين الفعل وين=مدحٍ بلايا فعل نقص وخسارا

نقصٍ على الرجال بين المتاقين=لا سار في المجلس كثير المثارا

يهرج بهرجٍ يجي له براكين=يطلع منه دخان مثل الصقارا

يذكر سجلاته بليا عنواين=راحت كما من راح يوم الحدارا

والمستمع محتار ويلد بالعين=في واحدٍ بالهرج قطع زرارا

وقال استرح و ارتاح ياشيخ ياسين=تبغى السجن ولا عنابر شهارا

ياسم عقل المستمع للمجانين=سمّ العروق اللي دخله الصفارا

ياليت للكذاب ريش وجناحين=ويطس عنّا في بعيد الديارا

ماعاد به خنجر ورمح وسكين=مابه يقع سيفٍ رفيع الشعارا

ترى الفعل فعل الملوك السلاطين=مطوّعين كبارها وصغارا

أرضوا المواطن بالعدل والمقيمين=و احكام شرع ولا عليها غبارا

قالوا المشاعر قبلةَ للمصلين=يوجد بها عمرة وحج ومزارا

وللفعل قوات تخوض الميادين=ويشرف عليها طايرات المطارا

مأمنين الشعب بالحكم تأمين=وفي كل دولة للمسافر سفارا

وحنا لحكم الله وحكمم مطيعين=ومن فضل ربي مالحقنا قصارا

والمدح للي يفك المساجين=اللي ورا البيبان طال انتظارا

من ماعطاه الله اعطى الملايين=وأطلق مساجينٍ في سجنم فقارا

يوم اخرجوا وهم سواة الملبين=يدعون لاهل الخير ليل ونهارا

ولا بقي مدح واعطي المساكين=أطريتها بالفعل سر وجهارا

و انا أعرف إن اللاش مايقضي الدين=ليته تلبس من لبوس العذارا

الله خلق له راس وعيون ويدين=ويومي براسه مثل راس الحمارا

تلقاه يسعى سعي بين الخصيمين=مثـل المــسـوح بــليـا صـرارا

هذي وصوف اللاش عند الشجيعين=والضرب في الميت على الحي عارا

ويارب ثبتنا على الحق والدين=والزم يمين الخط واترك يسارا[/poem]