[سنا الهجرة]

المشاركة الأصلية كتبت بواسطة حسن عابد

[poem="font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أجر الصوت وأشد المناكب =كأني عشت مع زيد الهلالي

أسج الفكر في عصر المصاعب=وارده في رخا ماني بسالي

احس بأمتي واخشى المتاعب=توردهم على سود الليالي
صروف الدهر تعليم وتجارب=عبر للحي مافيها جدالي
لحت خضر الشجاري بالمخالب=وزاغت بالنظر اول وتالي
عطش منها المسالم والمحارب=وراحو مسبعه في كل حالي
عقارب فعل والأسماء عقارب =مواردهن على حمر الدلالي
تثير الشر في سموا الأقارب=وتحرق فالقلوب وفالطحالي
حليفة نحس ياعكف الشوارب=وحمل الجور بضهور الجمالي
يموت الحرث وتجف المشارب=اذا قامت تحرك فالرمالي
عجايب وقعها كله عجايب=ياليت البيد تهرج والجبالي
تسوق الحي في سوق المقالب=ويمسي هم من قبح الفعالي
لها وسواس واعوان ومكاتب = وتلعب بالخبول امن العيالي
لحى الله الفتن واهل المأرب=مأرب سوء قطاعت حبالي
هدفها زعزعت امن ونهايب=وتهبيط العزايم والمعالي
عقولاً جرد ماتبغى المكاسب=ولاتألف بديعات الجمالي
جزالتهم على الحسنى مصايب=تضيق ابها وسيعات المجالي
غرايب يازمن فعلاً غرايب=اذا قال الخبول المر حالي
خطا وأصغر خطا ماهو مصايب=وكيف اكبر منه ياهملالي
تحريت الحقيقه ياحبايب =ولا قلت الحوادث من خيالي
ومن يسأل من الشياب شايب =يصدق ماذكرته في مقالي

[/poem]

ومن يسأل من الشياب شايب =يصدق ماذكرته في مقالي
صح لساااااااااااااانك يابو علي
أجدت وأبدعت