[منقاش]

أني أبو نقشه من صدق ماهو كذب ,, والذيب على طاريه بعد أطريتني يبو عبد الرحمن خصوصا بعد أقتربتم من السقايف والحيشان والزرايب والصفف .
شوفوا يالاجواد :
الصفه : غرفه مسقوفه ومكبوسه وعليها باب ومغلاق (ضبه ومفتاح) ومخصصه لضرمة البهايم أكرمكم الله , وتلقى فيها التبن والقصيل والشعير والذره ,,, بالمختصر هي لكل أنواع ضرمة البهايم وعلى الأخص دواب العمل , ويقابلها السفل في البيوت اللي مبنيه من دورين أو اكثر, يعني الأدوار العليا لسكن أهل البيت والسفل(بدروم) لضرمة بهايمهم .
الدار : تحتوي الدار على مجموعه من المنافع أهمها البيت اللي يسكن فيه أهل الدار ,وغالبا تكون المنافع الداخليه للدار بيت وسقيفه وطيف وحوش , وهذي المنافع (المرافق) اللي ذكرتها لكم كلها كانت موجوده في دار والدي رحمه الله في الفرعه والمسماه دار آل عابد .
والمنافع هو كل ما كان داخل الدار من أحواش وطيفان وسقايف ودكاك ودرجان وشامس وغيرها بالأضافة الى ما كان خارجها من السوح والفسوح المحيطه بالدارمن الخارج من ألأراضي الفاضيه .
يعني الدار لها مع المنافع الداخليه منافع خارجيه مثل السوح والفسوح والطرق والأستطراق .
السقيفه : أحيان تكون جزء من الدار واحيان ما تكون جزء منها , وهي عباره عن مكان مسقوف بالسعف او الأشجار والغرف (بفتح الغين) , يعني أنها تظلل من الشمس ولا تذري من المطر لأنها معروشه او مسقوفه بالأشجار دون كبس من الطين, وفي العاده تكون السقيفه بثلاثة جدران ومكان الجدار الرابع مفتوح , وممكن تكون بجدارين أو بجدار واحد مع قوايم خشبيه , او بدون جدران كليا يستعاض عنها بمجموعه من العيدان (جذوع الأشجار) تقل السقف , .
الطيف : غالبا يكون جزء من الدار ويكون أمتداد للحوش تستذري فيه البهايم من المطر , وهوعباره عن ثلاثة جدران مسقوفه بالأشجار ومن فوقها كبس من الطين , يعني أن الطيف يحمي من الشمس ويذري من المطر ولا يقي من البرد لأنه بدون جدار رابع (مربع او مستطيل ناقص ضلع).
الحوش : جدار مرتفع (أطول من القامه) غالبا متمم للدار وله باب , والحوش مخصص لمبيت الحلال (البهايم) ولا يبقى فيه في النهار الا المريضه او الكسيره والنطيحه , لأجل كذه يقولون في المثل ما يبقى في الحوش الا أخس الهوش.
الزريبه : هي المكان المظلل بسقف واطي (مرتخي واجد ) تستظل فيه البهايم وخصوصا البقر والحمير . والزرب أصغر من الزريبه لأنه بالكاد يستدخل البهم والجفار الصغار واحيانا يكون للدجاج...

اذا رحلت الناس عن دورها وديارها ومزارعها تتبع الكلا ومواقع القطر (المطر) بسبب السنين (القحط أو الدهر) تترك دورها ومنافعها وتاخذ معها خيامها وخدورها (بيوت الشعر) حتى تسكن فيها , وتستبدل الحيشان بالحظاير (مفردها حظيره) لمنع الغنم من السريه من مراحها آخر الليل أذا نام اهل المراح ولا بقي صاحي يحرسها الا كلاب الحي .
واللي ما عنده خيمه او خدر يبتني له دبل , والدبل عباره عن غرفه صغيره غالبا دائريه أرتفاعها بسيط يوجب طويل القامه ينثني داخلها ومسقوفه بالأشجار ومكبوسه بالطين , وبناها مفرد (مدماك واحد) ماهو متين مثل البيوت (مدماكين) وغالبا تنهار الدباله في ظرف سنتين أو أكثر .
وسموه دبل تشبيه بدبالة السخل والجفار اللي أرتفاعها متر تقريبا ويوضع فيها بالنهار مواليد الغنم (الطفال) والمعزى (السخل) الصغار حتى لا تخطفها جوارح الطير والعقبان (جمع عقاب) يوم كان فيه عقبان أما اليوم الله يرحم الحال.