رد: شجرة العثرب
أضنك يا شيخ سلام تحاول أستفزاز الشريف منقاش قدس سره , وتحاول تجره لمواجهة معك ما يرغب فيها لا في هذا الزمان ولا هذا المكان , خصوصا أني دوبي خارج البارح من ألأستراحه وانا مثخن بالجراح , وانت تبي تكمل الباقي , ولا هو بعيد أنك قلت في نفسك أذا طاح الجمل كثرت سكاكينه .
وأن سويت نفسك ما أنت عارف خطاك , خذ الجواب من أبو نقشه .
ألأوله , سبق أني حذرتك وحذرت كل ألأعضاء أنهم ما يجيبون أسمي بدون ألقابي , وتصرفك هذا يعد كبيره من الكباير , واشوفك مصر عليه , وانت تعرف حكم الصغيره مع ألأصرار , فما بالك بالكبيره ,,, وليت ألقابي قليله اللي أقلها الحاج منقاش حتى أتلمس لك بعض المعاذير .
الثانيه , أنك سعلت صديقك اللي هو عدوي رويعي الكلاب عن صديقي الدكتور مشعان , والمفروض توجه خطابك لي مباشره خصوصا أنك رجال تعرف تسلسل المراجع , وتعرف عقوبة تعديها .
الثالثه , أنت حليفي ما في ذلك شك , ولو أحد يرشك برشة ماء أرشه برشة دم , لكن حلفك معي لا يرقى بحال لآهمية حلف الدكتور مشعان , والسبب ورود بعض الملاحظات عليك منها أنك الله لا يبلانا حدث منك مره أو مرتين ملاطفات ببعض العبارات مع المخاوي وكأنك تبي تمسك العصى من المنتصف وتقول في نفسك أنا والله رجال أخشى الدوائر , وابو نقشه تحالفاته متقلبه ويمكن تبدل بين عشيه وضحاها .
أرجيك يا حليفي تنتبه لهذي الملاحيظ , ولا يخرب ما بيني وبينك الوشاة ,,,, والدكتور مراده يقرا ما كتبت يمينك عنه , وهو رجال شره ما هو قليل ولا أظنه رايح يرقد عليها , وسلامتك ....
|