يا سلام عليك يارايد ... إيه كذا والا بلاش .. هذي التقارير .. هذي العلوم السنعه
نبي نعرف عن قرب كيف العالم عايشين
نبي نعرف كيف عيالنا عايشين في الغربه
عطنا من هذي العلوم الزينه .. وخلي بالك ترى هالخواجات قاموا يخربونها مع ربعنا
اليوم اقرى في الصحف عن طالب من طلابنا .. امتحنوه في المطار بالتفتيش .. ووقفوه ولا طلع الا بعد ما تصل على السفاره .. وفي الاخير رجعوه لديارنا بالرغم من انه يقول قبل ما اسافر اتصلت على القنصليه في الدمام واكدوا لي ان التأشير مضبوطه ميه الميه وكل همه الحين يبي يعرف وش مصير بعثته.. شكل الوضع اصبح مزري مع هالمريكان وصاروا يدورون اي تعله .. على شان يعقدون شبابنا .. الله يكفينا شرهم مدري وش يبون
أما انا عن نفسي بسلامتك ماني جايك .. خاصة وحنا نسمع مثل هذي العلوم
نروح لبنقلادش اصرف .. والا مصر على الذمه .. واذا بغيت ابتعد مره مره ابتعد اروح لماليزيا .. أما هالغربييت خليهم لين يقنعون بارشادهم .. ويتعوذون من أخوانهم العفاريت .. شكلهم ما عاد يفرقون بين العدو والصديق