هزاع وكرتون العنب
[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ولي العرش يا اللي عــن التوصيف فوق=يقصر التعبير دونك ويحتـــــــــااااار المقال
الرجاء فيك انت وحدك وفيـك انت الوثـوق=كلً شيً غيـــر وجهـك معرض للزوال
استعين بـ قــــوّ باسك على قوم الفسـوق=واستجير بنـــــور رحمتك من سود الليــال
بعد صارت كلمـــة الحق تنشـب فالحلــــوق=والحمل ياخذ زمــــانين مــا جـاله جمال
واصبح الكذاب يؤخذ كلامه والصــدوق=ينـتـظر دوره ويبـقـى ولا يعــطى مجــال
والبشـــوت اللي منول لهـا في كل سوق=منزلة عليا وتثمين مــا بيـــــن الــرجال
تالي الايام رثــّت ومــــن كثــــر الفتـــــوق=ظنتي مــا عــاد تســــــوى مـع العالم ريال
دام لا تقضي دعاوي ولا تعــــــطي حقوق=وان لقت باطل تسوي على راسه ظـلال
تحسـب انه يقدر يعيش والباطل زهوق=ينتهي والخاسر اللي يحطه راس مــال
ما ربح مـــن يظلم النــــاس واخرته يذوق=عاقبة ظلمه ويشتـــال حملً ما يشال
وااعنا قلب المنــــــااافق ويا ويل السروق=كان في دنيــاه والا ليا شد الرحال
والنزيه يعيش طيـب ومرتاح الخفـوق=ما عليه خلاف مــا دام يمشي فالحـلال
لا بلـع زاد العجــايز ولا بل العـــــروق =من مشــاريب النجـاسـه ومن عـدّ الوبــال
يا رجال العرف ياللي تشـوفون الفـــروق=بين منهــــاج العـــواجه ونهـــج الاعتدال
سوقوا ركــاب المواقيف للميدان سوق=والصحيحة قدموها على الجـــرب الغفال
عادة الطيـــب على الطيبة دايم سبوق=وان وقف تلقــــاه راسي مثل صم الجبال
واعتقد فينا مطــــانيخ سيرتهم تشوق=من قـــراها ويتنومس به اعمام وخوال
ما غدينا سحب ما جوفها غيــــر البروق=نعتذر عن كل اجابه ليــا جــانا السؤال
قلتها وانا ابرق اللي سليم من الطقـوق=والفتى هزاع حوله من البـــارح جدال
[/poem]
صح لسانك يالمهاجر .. قصيدة جميله جداً
حيكت بأنامل شاعر ماهر ومتمكن
لكني عندما قرأت عنوان الموضوع ( قصة في قصيدة)
وكذلك عنوان القصيدة ( هزاع وكرتون العنب )
ولم أجد في ثنايا النص قصة لـ هزاع ولا لـ كرتون العنب
وكذلك لم أجد فيها قصده من الاساس
بل ان هذه القصيدة جزئها الشاعر وكــ عادة الكثير من الشعراء الى ثلاثة أجزاء
بدأ بالمطلع والذي توجه فيه شاعرنا المهاجر .. الى الابتهال الى الله سبحانه وتعالى بالدعاء
والتعظيم والتمجيد لله جل وعلا والتوسل اليه والاستعانه بقوته .. سبحانه
ثم انطلق بعد ذلك الى موضوع القصيدة والذي تطرق فيه الى متضادات كثيره كـ الحق والباطل
والكذب والصدق .. والربح والخساره
وكان فيها بعض الاسقاطات والاستعارات الجميله .. كـ البشوت وكيف أنها في وقتنا هذا باتت لا تعطي الحقوق وهي بالتأكيد دلالة على من يحملونها >> وكان ذلك جميل جدا من شاعرنا
واستمر في سرد المتضادات في ثنايا الموضوع الرئيسي للقصيدة
كــ النزيه والمنافق والسروق
وهكذا حتى تحول في البيت اسادس من الأخير الى الطلب من رجال المعرفه أن ينظروا معه في
متضادين يبدو لي انهما عمودا المتضادات التي وردت في هذا النص
وهي .. الاعوجاج والاعتدال
ووكان شاعرنا يطلب منهم تقويم الغلط ولو كان ذالك بسوقه قسراً الى طريق الاعتدال
ثم بعد ذلك بدا يمهد بشكل غير محسوس للخاتمة .. وقد أجاد فيها بشكل أعجبني
وقد أتى على ما أشار اليه في العنوان ( هزاع) ولكأنها إشارة على استحياء
لم يفهم منها ماهو دور هذا الــ هزاع
مرة أخرى صح لسانك يالمهاجر
كتبت فــ أمتعت