[منقاش]

ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث ألدرس ألأول من دروس منقاش عن التراث

الوله تراكم أنتم اللي طلبتوني هالدروس وأشغلتوني عن مهاملي , وتروني أستاد شديد ولا عندي ألا خنق وعصى وحصى واقلها قرصه والا لية أذن للطالب اللي ما يبلع العافيه منكم ويتعذبل من الشيطان ويقول يا ربي هداك .
الثانيه ما نبغي الموضوع مثل النمل مسرب .. لالا.. نبغيه دروس كل درس لوحده مثل ألضان والمعزى والجفار يوم تخرجها من الحضيره واحده واحده ..
درسكم الأول عن ألدياس وأبغيكم تضيفون في مداخلاتكم كل اللي تذكرونه والا يذكر لكم من معارفكم عن مفردات الدياس ,, وهالحين تعالوا نديس على الدياس .
بسم الله الرحمن الرحيم
* الدياس : اسم ماخوذ من الفعل داس مثل يوم تقول القياس من الفعل قاس لأن البهايم من بقر وحمير تدوس بأظلافها في الدياس على القصيل وفيه السنابل حتى يتهشم ويتكسر ويتحول السنبل لحب والقصيل الى تبن ولكن دون فرز ,,, يعني نتيجة الدياس حب مختلط بالتبن . ولا يفصل بينهم ألا في عمليه الذراء أو الذريه وهذا موضوع درس في المستقبل .
مكان الدياس : الجرين وهو عباره عن أرض دايريه قطرها من 15م الى 30م تقريبا يكون سطحها مستوي وصلب وخالى من ألأنربه , ويتوسط دائرة الجرين عمود (عود من الخشب) يسمى القاعد بأرتفاع القامه(متر ونصف) مثبت في ألأرض, والقاعد وظيفته أنه يربط فيه القران (حيوانات الدياس)بحيث تقرن من رقابها بحبل يثبت في القاعد بربطه تسمح بالدواران للحيوانات (القران) المقرونه .
يشكركم ألاستاد منقاش ويبغيكم تضيفون اللي تعرفونه عن الدياس من المفردات اللي نسيتها,, لكن أياكم تنطون للصرام والا الذراء لأنها جايتكم في دروس جايه والا ينخبل واحد منكم ويجيني بكلمه من ديره ثانيه ما لها علاقه بدرسكم الليله مثل كلمه عن السواني والا الأثاره والا غيرها , واللي عنده صوره للدياس من ألأنترنت والا غيرها لا يبخل بها على زملاه الطلاب .وتصبحون على خير ...