رد: ابشر يبو عبدالرحمن
حليفنا وشاعرنا الملهم الشيخ سنا الهجره : يبن عمي هو من هو هذا اللي سميتوه الشيهان ؟, تكفى من فضلك ذكرني أياه أن كنت تعرفه ؟ .
أنا أخبر قبل كم سنيه كان عندنا في المنتدى شهيهين واحد , وكان متدمدم لا ذم ولا فتح فم حتى فان علينا المخاوي وأخربه بقطمة شعير (قبل حوالي سنتين) .
أخربه بقطمة شعير واحده نسأل الله العفو والعافيه , وطرح بها راسه لأن راسه أدنما طرحه ويسكر من زبيبه على قول ربع الشبيكه وسوق الليل.
ويوم جا لسماحتنا لبهة خبر القطمه , وابتدت تطلع ريحة الشعير , قررنا تنظيف منتدانا , وعمدنا المشرفين بطرده شر طرده وتعليق عضويته حتى تكون رادعه له وعبره لأمثاله , ومن يومها خفى الهابي عنا لا له حس ولا رس , وهالحين ما أدري هو هذا اللي طالع يبذبذ مع المخاوي هو شهيهننا ألأول والا غيره ..
وأن كان هو شهيهين ألأول ما غيره , فسكرته هذي المره ماهي سكره عاديه ولا هي سكرة شعير , هذي سكرة تمر وزيوت زيتون من اللي أسكرت المشرف العام وقلبت مخه علينا حتى سار المخاوي عنده في كفه لحاله , وبقية ألأعضاء في الكفه الثانيه ..
وسلامتكم ...
|