وزارة التجارة .. وما أدراك ما وزارة التجارة
وزير ومدير مكتب وسكرتير ومدير سكرتير وسكرتير مدير للسكرتير وموضفين ومراقبين و و و .. ووضايف بالهبل ودعم غير محدود من ولاة الأمر
ولا نشوف الا الأسعار كل يوم تزيد
والمشكله يقولون ليش المواطن ما يقوم بواجبة ويبلغ ؟؟
المواطن يا أخوان فاقد الثقة في الوزارة لأنه يبلغ وما يشوف أي شي تغير
المفروض أي مواطن يبلغ عن سلعة زايد شعرها أو أي بلاغ آخر ، يتم تبليغة مباشرة بالإجراء اللي تم ويشوف العقوبة اللي تبرد قلبه حتى يشعر بأن إتصالة ما صار عبئ آخر يضاف على أعباء غلاء الاسعار أو على الأقل يحس ان تعبه ما راح هدر.
بالمناسبة مره لقيت سلعة - من السلع اللي يا كثرها - مبالغ في سعرها ولمن قلت لليماني تراني بتصل في وزارة التجارة وأبلغ عن هذا الجشع الغير مبرر >> قال إتصل براحتك ماهو بس حنا اللي نزود في الاسعار.
للأسف ما فيه هيبه للوزارة ولا أحد حاسب لها أي حساب
وصدق اللي قال ( من أمن العقوبة أساء الأدب )