[منقاش]

سلام ياشيخ سلام , والسلام عام عليك وعلى جميع ألأخوان ورحمة الله وبركاته , وفي مقدمتهم حلفايه ألأبرار , ابو سيفين والعمده المقداد وسنا الهجره وابن همام ولا مهونه ببقية ألأخوان .
وبأختصار , سلامي سلام عام دام ما يقصر عن أحد , ولا يستثنى منه ألا قليل الخاتمه المخاوي , فهذا لا سلام عليه ولا كلام معه , ولا له عند معالي ابو نقشه ألا حد السيف , والشيهان من على حده حتى يترك غيه ويعود في كفةربعه , أما ما بعد :
أنا رجال مغيب ومن الله قريب , ومسافر هاليومين يم النواحي البعيده , ويرافقني في سفري وفد من أعيان وأذاني وروس ثماله , مكون من فريق على راسهم سماحتنا دام ظلنا وقدس سرنا رئيسا , ومرؤوسين كل من المحرمس رويعي الغنم والمشلهط ولد والدة ولد أم محمد (ابن ابي محمد) وغيرهم , ومن أيام الى هالحين والوفد حال في ضيافة ابو جمال وربعه , ونهاية ألأسبوع الجاي نبي ننصى البلاد اللي يم الروس نبتديها بباكوا ونختمها بالديار اللي عليها كثير البواكي , يعني , الرجاء من الجميع يعذرونا من الردود على مواضيعهم من ضيق الوقت .
أما الروس وآذانها ولغاصمها فهي كانت محرمه على الرجال في ألأسواق والمجالس المربوعه في دل ثماله , محرمه هي والسلب كله ( السلب مكون من الكرش والأمعاء والراس وأم فحاث واالرقبه) , وكان أكل السلب من أختصاص أخواتنا النسوان أيام الجور وجاهلية زمان , أما في هذا ألأوان فنحنا كلنا عيال تسعه أشهر , ولا بقي على الرجال الا المهور وقريب يتخلصون منها ويصبح الرجال والمره في درجه واحده مثل بعضهم , وأذا خرج الدجال يعطيهم على الرجال درجه .
كيف تورطت ثماله في أكل الروس بشيشانها ؟؟.
هذي قصه حقيقيه وبعض رواتها أحياء .
يقول واحد من أهل علو الديره : هاك السنيه أول ما فانت علينا اللواري والسيارات كنا نهبط للطايف لغرض ولغير غرض , وكان واحد من ربعنا ينعزل عن الجماعه في وقت غداهم عند عالي والا البخاري , ويوم سعلوا عنه جاهم نسيس علوم أن الرجال يلوذ وقت الغدا ويروح يتغدى روس عند الرواسين .
وكان الرواه يتلثمون بأطراف عمايمهم , ويخفتون أصواتهم حيا ومزى , أذا جو على ذكر سالفة الرجال أكال الروس , وأستمر وضع حضر الروس على الرجال كم سنه , ألا أن الآخبار أبتدت تجي من هنه ومن هناك بأنحراف زيد والا عبيد , ويروي الرواه أنهم لمحوهم يهرشون في الروس في المطعم الفلاني ووجيههم جهة الجدار حتى لا يشوفهم أحد ..
وأستمر تفشي ظاهرة أكل الروس شويه شويه حتى في النهايه أنحرف الجميع وأصبحوا أكالة وقضامةروس ..
والهدف من سرد هالقصه هو التذكير أن الجوع يذل راعيه , كما يوم خلى الرجال اللي رويت لنا يا شيخنا قصته يخترق كل الحواجز ويطى على كل الأعراف وياكل الروس ويبيعها ولا يحسب حساب أحد , وسلامتكم ...