الأبيات التي وردت في المادة السابقة للشاعر / وصل العطياني ..
[poem="type=1 color=#0000FF font="bold large Tahoma, Verdana, Arial, Helvetica, sans-serif""]
يا بَحَر .. لوّ أكتب أبياتي على موجك رسالة =بيت واحد من بيوتي ,, يقلب أملاحك عذوبة
يا بَحَر يا ليتني باقي على طيـش الجهالـة=يوم كنت صْغِير ما اعاني من الدنيا صعوبة
الفرح عنـده موظّفنـي ومعطينـي وكالـة =للضحوك وللمزوح ونزوة النفـس اللعوبـة
ويوم كمّل عمري العشرين قدّمْـت إستقالـة =الفرح عيّا اسلوبي لا يوافـق مـع اسلوبـه
القوانيـن القديمـة والمذاهـب والأصالـة =تلزم الرجّال لوّ الحـال ماشـي دوب دوبـه
يا بَحَر والله ما شيّب روسنا غيـر الرّجالـة =عيب نسكت وإن هَرَجْنا كلمة الرّجل مْحَسوبة
يا موصّي . لا توصّي صاحْبِك يلـزم ريالـه =وش يسوّي بالفلوس اللي تبرّت من جيوبـه
أنت وصّلْت النصيحة واتركه مالـك ومالـه =الكرم ماهو مجنَّب عنـه لـو إنّـه عقوبـة
كمّ مرّة جاه حملٍ ما يطيقـه وارتكـى لـه =من عناده للحمول الجايرة مـا قـال توبـة
لو تسلّف واجب ضْيوفه من هْنـود البقالـة =مع صلاة الظهر في جدّة وفي عزّ الرطوبـة
لجل ما يدرون ضيفانه بحاله كيـف حالـه =مايجيهم غير مستانس ويضحك مع جنوبـه
كرّم الله لحية اللـي ضيفـه يكـرّم سبالـه =وسوّد الله لحية اللي يعطي ضيوفه ذروبـه
البخيل تشوف وسم الضّيم حتّى في عيالـه =ما تقول الاّ مشَلْوطهم على النـار الشّبوبـة
والكريم ليا عطى كنّه ما يعطي مـن حلالـه =لو طلبته ثوبه اللي لابسـه يعطيـك ثوبـه
نعنبوا جدّ البخل واللـي يحطّـه رأسمالـه =البخيل بْخيل ما يعطيك حتّى مـن ذنوبـه .!
[/poem]