[منقاش]

مشرفنا الكريم العنكبوت : أبو هاشم رجل متزوج بواحده , ونفسه في أربع , لكن العين بصيره واليد قصيره .
بالعربي , الرجل مضطهد أضطهاد خارجي من قوانين القبيله ومشيختها , ويتمنى اليوم اللي يجي وما فيه تحاكم ألا أمام الشرع فيما عدا الصلح اللي ما يحل حرام أو يحرم حلال .
ومضطهد أضطهاد داخلي من أم هاشم اللي موريته نجوم الليل قايله , ولا يقدر يقلب حجر عن الثاني حتى لا ترميه بالثالث .
والخطاب في مداخلته ألأخيره موجه لها , ولا هو موجه لكم , وهذا معنى كلامه يوم يقول التغير سنة الحياه ولا باقي ألا الله .
والتغير هنه , يعني ألأنتقال من واحده لمثنى وثلاث ورباع , بالأضافه الى ألأماء طبعا اللي يقدر الواحد يتسرى منهن كما يشاء .
ويقصد بصناعة الطريق في ألأتجاه الصحيح , هو أنه أكتشف مؤخرا عن طريقي بحكم علاقة القرابه والصداقه اللي تربط بيننا , أن فيه كم عضو في هذا المنتدى الطاهر خونه للزوجه ألأولى , ومتزوجين عليها نسأل الله السلامه زواج مسيار , ومخلفين عيال وبنات بدون علم الزوجه ألأصليه المسكينه اللي يا غافل لك الله .
والرجال هنه يبغي ينفس عن نفسه ماهو فيه من كبت بالدرجه ألأولى , ويبغي يقول , ليه ما نكون أحرار ونعلنها زواج عيني عينك , وليش الخوف واللي كاتبه الله حاصل؟ , وليش اللجوء لزواج المسيار والا ابن عمه , الزواج اللي يسميه أخواننا الشيعه المتعه؟ .
ويبدو كذلك أن الرجل أحس برياح التغير قادمه لا محاله للطايف عن طريق الغرب بعد الفتوى ألأخيره للشيخ الدكتور , أحمد بن قاسم الغامدي , مدير عام فرع الهيئة بمنطقة مكه اللي حاسها حوس وقلب عاليها سافلها , وخلى اللي ما يقدر يشتري يتفرج ...