[سنا الهجرة]

المشاركة الأصلية كتبت بواسطة خلف بن عبدالعزيز الثمالي

السّلام عليكم ورحمة الله وبركاته
أتمنّى أن تكونوا بصحّةٍ جيّدة,وإنّي لأهدي لضيف المنتدى
الشّاعر سهيل2012 هذه القصيدة ,فأهلاً وسهلاً به .

[poem="type=1 color=#0000FF font="normal large Arial, Helvetica, sans-serif""]
ألا يامرحبا( 1000000) في(1000000) بالضّيفان=عن الثُّملان والشّاعر يوكّد من ملايينه
تفضل يا سهيل الدّار دارك واشرب الفنجان=(3) سنين لا ماهي (3) ايام تزبينه
ليا من حلْ شروى سهيل والطّيب من العربان=نعشّيه العشا اللي من سمان الضّان مسخينه
(لو انّك وانت في ذا مانعد انّك من الضّيفان=لأنّا ضيوف عندك وانت راعي الدّار والطّينه)
وهذا منتداك اللي دخلته باعذب الألحان=على وضح النّقا اكتب فيه واقرا في ميادينه
مدام العولمه تمّت وكوكبنا غدا شقصان=على كيفك تسيِّر به ولاتحتاج تخمينه
بالرّيموت والجوّال تقدر تسكن اليابان=بالحاسوب تعرِف شاطيَ الأسكا وتكوينه
عجايب كيف صار البوم متخاوي مع الشّيهان=كذا وابن العرب كلّ العجم صاروا مخاوينه
وشفنا الحيّه اللي من ورا هُرمز لها نيبان= تِكَشِّر بس راس الرّمح جاهز تم تسخينه
تِخاشِرها العقارب مير تخشى صولة الدّيبان=الاسود موت لامن جاز الاطلس مع ثعابينه
تغيّر كل شي ي سهيل إلا الله عظيم الشّان=ألا يا حظ من عاشوا وخالقهم موالينه
وحنّا ما علينا خلاف مادمنا على الإيمان=وهذا الخير دربه ياسهيل النّاس ساعينه
ونا من قبل اختِّمها أحيي ب احمد الإنسان=خوي سهيل وابن العم حشا ما انحن بناسينه
يقوله من تسلسل من سلايل جدّنا قحطان=وأزدي حالف الثّقفان والأسمى حفظ دينه
بعد هيّض ضميره سهيل من ماجاب في القيفان=تهيّض بالقوافي عقب ماثارت براكينه
وصلّى الله على محمّد عدد ما هلّت الأمزان=واسقت كل ضامي وجار واسقت شجْرَة الكينه[/poem]


دمتم بخير,وعافية
محبّكم/خلف بن عبدالعزيز الثمالي

صح لساااانك وبيض الله وجهك يابو وليد
كفيت ووفيت
ويستاهل سهيل هذا الترحيب وأكثر
وهو من هل الدار ما فيه شك