[منقاش]

الله يفضحك يا دومينيك يا ابن ستروس المتعوس .الله يفضخك يا بعيد , يا شيبة عرعر يالرمه يا قليل المذهب .
أنت يالرخمه ألأشيمط ما لقيت فعله شاينه تفعلها ألا هذي الفضيحه اللي خلال ساعتين يبي يدينك فيها الدي أن أيه ؟؟..
يقول أبو نقشه ما قاله حتى ينأ بنفسه عن هالسفله اللي كنت على موعد معه أنا والوفد المرافق لسماحتنا في أجتماع من أجتماعاتنا في سرنديب , وكنا نناظر نلاقيه في الشرق وعجل الله بأجله في نيويورك في أقاصي الغرب ...
لكن الغريب العجيب اللي أبغي العقال منكم يا ربعي يتدبرون ويتفكرون معي فيه , وين الواسطه ما فكت رجل مثل وفي قامة الدومينيك بعد سولت له نفسه ما سولت ؟؟, وين دور الواسطه ووين يافطة الله يحب الستر والساترين وبلاشي فضايح ؟؟,,,, وينها ما أنقذت هاللحيه الغانمه وهالرجل اللي يخوف المتجبرين من الزعماء والرؤساء ؟؟, وينها عن رجال في قامة وهامة دومينيك اللي كان مقبل على منافسة حليفنا سركوزي على رئاسة فرنسا في ألأنتخابات المقبله ؟؟.
وينها كلها ؟؟ , أن كان فيه جواب ,, فلا أظن ألا أن بعض مظاهر عدالة ألأسلام في التساوي أمام القانون غربت عن الشرق واشرقت في صوره من أبسط صورها على بعض الزوايا المظلمه في بلاد الغرب ..
ويرحمك الله يا أبن الخطاب اللي ما شفع عندك لعمرو وولده شافع , ولا قلت هذا قرشي وهذا والينا على مصر وقايد جيشنا الفاتح لها ولبلاد غيرها ولا نبي نفضح به ونهينه ونقيم عليه وعلى ولده العداله من أجل واحد قبطي (ليته حتى مسلم)..
ولا قلت جبله ابن ألأيهم من الساده ويشفع له ماضيه في الوجاهه وداريت ألأمور حتى تضيع وتميع حق ألأعرابي البدوي الصعلوك جد الصعلوك المخاوي .
ولا تنمرت على الحرمه يوم سكتتك وانت تخطب أمام الناس وعدلت حكمك على رؤوس ألأشهاد , لا بالله يا عمر ألا أذعنت للحق وخشعت وقلت حالا , أصابت أمرأة وأخطأ عمر .
ولا تعجرفت يا ابن الخطاب اللي كنت تحكمها من وسط آسيا الى شمال أفريقيا يوم قاطعك وانت تخطب سيدنا الفارسي رضي الله عنه وقال لك بالفم المليان , لا سمع لك اليوم علينا ولا طاعه , حتى تبين لنا من أين لك الأزار الذي أتزرت به وأنت رجل طويل ؟؟.
كان بأمكانك يا عمر تسكت الفارسي وتنبهه أن المناصحه حكمه ولا تجي بالتجريح والتشهير ومكانها في السر خلف الجدران والأبواب الموصده, وأن الخروج عن الطاعه من شان طمره علما نكره , ويستوجب عقوبه ماهي سهله..
لكنك ما يمكن تفعلها وأنت خير من يعلم أن الله على كل شيء رقيب , ولا يمكن تفعلها وأنت القايل , لا خير فيكم أذا لم تقولوها (أتق الله)ولا خير فينا أذا لم نسمعها , ولا يمكن تقولها وانت اللي تعرف أن أكرم الخلق على الله هو أتقاهم وانقاهم , وتعلم أن سلمان لو كان ألأيمان في مقام الثريا لبلغه , وتعلم أن لصاحب الحق مقالا .
تعلمها يا سيدي يا ابن الخطاب وتعلم أكثر منها , وكيف ما تعلمها وأنت الزاهد في الخلافه والخايف من تبعاتها حتى لو عثرت بغلة في العراق , ومن شدة وجلها تمنيت في كثير من ألأحايين أن أم عمر لم تلد عمر ,,,.
آآآآآآآآآآآآآه ما أجملك يالعداله, وما أقبحك يالسفااااااااااااله .. وثاني مره كبك يالمخاوي من كثرة الخبااااااااااااااااله............. أنت توحيني والا لا ؟؟؟؟..